Bæjarráð Grindavíkur - 1679. fundur

Gestir fundarins undir þessum dagskrárlið: Hafnarstjóri og skipulagsfulltrúi (Teams)

Lögð fram drög að leiðbeiningar fyrir niðurrif mannvirkja í Grindavíkurbæ og listi yfir þau hús sem fyrir liggur að þarf að rífa.

Gestur fundarins undir þessum dagskrárlið: Hafnarstjóri.

Lögð fram drög að samningi við Slysavarnardeildina Þorbjörn, dags. 13.3.2025.

Bæjarráð samþykkir samninginn og vísar honum til bæjarstjórnar til staðfestingar.

Gestir fundarins undir þessum dagskrárlið: Hafnarstjóri og sviðsstjóri félagsþjónustu- og fræðslusviðs.

Lagt fram yfirlit yfir stöðu íbúða í eigu Grindavíkurbæjar.

Sviðsstjóra félagsþjónustu- og fræðslusviðs er falið að vinna málið áfram.

Gestur fundarins undir þessum dagskrárlið: Hafnarstjóri.

Umsögn Grindavíkurbæjar um skýrslu Deloitte er lögð fram.

Einnig er lagt fram minnisblað um drög að innkaupaferli í sprunguviðgerðum sem eftir er að vinna og minnisblað frá Consensa um rammasamningsútboð

Lögð fram drög að frumvarpi um breytingu á lögum um veiðigjald.

Bókun

Bæjarráð Grindavíkur minnir á að sjávarútvegsfyrirtæki í Grindavík glíma nú við fordæmalausar áskoranir vegna náttúruhamfara. Verði frumvarpið óbreytt að lögum má áætla að álögur á útgerðir í bænum aukist um tæplega 600 m.kr. á ári. Bæjarráð vísar til sviðsmyndagreiningar Deloitte, sem unnin var fyrir forsætisráðuneytið, sem sýnir vel að það er langt frá því að vera sjálfgefið að sjávarútvegur verði áfram sú undirstöðuatvinnugrein í Grindavík sem raunin er nú.

Atvinnulíf í bænum er í viðkvæmri stöðu en aflaheimildir hafa þó ekki flust frá Grindavík þrátt fyrir náttúruhamfarir. Það er jákvætt að starfsemi sjávarútvegsfyrirtækja á þessari vetrarvertíð er að færast nær því umfangi sem áður var. Bæjarráð varar eindregið við því að aðgerðir stjórnvalda veiki forsendur atvinnulífs í bænum og leggur því til að framlagningu frumvarps til veiðigjalda verði frestað. Bæjarráð leggur einnig áherslu á að áður en frumvarpið verður að lögum liggi fyrir vandað mat á áhrifum tollabreytinga í alþjóðaviðskiptum.

Að lokum tekur bæjarráð undir bókun Samtaka sjávarútvegssveitarfélaga frá 28. mars 2025, þar sem lagst er gegn samþykkt frumvarpsins. Jafnframt vísar bæjarráð til greiningar KPMG sem unnin var fyrir samtökin. Í greiningunni er bent á margvíslegar neikvæðar afleiðingar fyrir nærsamfélög sem hlotist geta af því að auka álögur á atvinnulíf. Greiningin undirstrikar einnig vel að Grindavíkurbær er í hópi þeirra sveitarfélaga sem reiða sig hvað mest á sjávarútveg og fiskvinnslu. Mikilvægi þessarar starfsemi hefur jafnframt fengið auki vægi vegna þeirra erfiðu aðstæðna sem nú eru í bæjarfélaginu.