Bæjarráð Grindavíkur - 1687. fundur

Gestir fundarins undir þessum dagskrárlið: Sviðsstjóri frístunda- og menningarsviðs, sviðsstjóri félagsþjónustu- og fræðslusviðs, forstöðumaður íþróttamannvirkja og frá UMFG: Ingibergur Þór Jónasson og Bryndís Gunnlaugsdóttir (Teams).

Bryndís kynnti sýn kkd UMFG á starfsemina á komandi leiktíð.

Bæjarráð felur sviðsstjóra frístunda- og menningarsviðs að fá fjárhagsáætlun UMFG fyrir næsta ár og leggja fyrir bæjarráð.

Gestir fundarins undir þessum dagskrárlið: Forstöðumaður þjónustumiðstöðvar Grindavíkurbæjar, Sindri Þrastason frá VSS og Grettir Haraldsson frá Verkvörðu (Teams).

Lagt fram minnisblað um stöðu viðgerða eigna sem skemmdust í jarðhræringum.

Bæjarráð heimilar að haldið verði áfram viðgerðum eignanna eins og fram kemur í minnisblaðinu þar sem fyrir liggur heimild í fjárhagsáætlun 2025.

Lögð fram greinargerð frá Framkvæmdanefnd vegna jarðhræringa í Grindavík, dags. 16. júlí sl. um rekstur slökkviliðs í Grindavík og öryggisgæslu í bænum.

Bæjarráð felur bæjarstjóra að hefja viðræður um útfærslu samkomulags um verkefni og rekstur slökkviliðsins í Grindavík.

Gestir fundarins undir þessum dagskrárlið: Sviðsstjóri frístunda- og menningarsviðs og sviðsstjóri félagsþjónustu- og fræðslusviðs. Frá Rauða krossinum: Aðalheiður Jónsdóttir, Jón Brynjar Birgisson, Gísli Rafn Ólafsson og Elfa Dögg Leifsdóttir.

Farið yfir samskipti milli Grindavíkurbæjar og Rauða kross Íslands varðandi úthlutanir styrkja til uppbyggingar samfélagsins í Grindavík og að efla viðnámsþrótt íbúa í Grindavík.

Í september nk er fyrirhugaður stöðufundur þar sem gert er ráð fyrir að ítarleg samantekt á ráðstöfun styrkja liggi fyrir.

Gestur fundarins undir þessum dagskrárlið: Sviðsstjóri félagsþjónustu- og fræðslusviðs.

Grindavíkurbær á þrjá fulltrúa í farsældarráði þar af tvo kjörna fulltrúa. Bæjarráð tilnefnir.

Tillaga um fulltrúa í farsældarráð:

Nökkvi Már Jónsson sviðsstjóri

Ásrún Helga Kristinsdóttir forseti bæjarstjórnar

Birgitta Rán Friðfinnsdóttir bæjarfulltrúi

Samþykkt samhljóða.

Tillaga um fulltrúa í framkvæmdahóp:

Nökkvi Már Jónsson sviðsstjóri

Eggert Sólberg Jónsson sviðsstjóri

Samþykkt samhljóða.

Gestir fundarins undir þessum dagskrárlið: Sviðsstjóri félagsþjónustu- og fræðslusviðs og sviðsstjóri frístunda- og menningarsviðs.

Lögð fram frumspá um rekstur ársins 2026 ásamt drögum að sviðsmyndum fyrir árin 2027-2029.

Lögð fram umsögn Grindavíkurbæjar um frumvarp til laga um almannavarnir.