Bæjarráð Grindavíkur - 1613. fundur

Sviðsstjóri skipulags- og umhverfissviðs sat fundinn undir þessum dagskrárlið.

Staðan á hönnun og útboði vegna félagsaðstöðu eldri borgara við Víðihlíð lögð fram.

Sviðsstjóri skipulags- og umhverfissviðs sat fundinn undir þessum dagskrárlið.

Framkvæmdir við æfingasvæði við golfvöll teknar til umræðu. Til að ljúka verkefninu og að sá í svæðið þarf aukið fjármagn sem áætlað er að nemi 5 milljónum króna. Bæjarráð samþykkir viðauka að fjárhæð 5.000.000 kr. sem verði fjármagnaður með lækkun á fjárfestingarverkefni nr. 32-110206, Ásabraut 2, klæðning að utan.

Sviðsstjóri skipulags- og umhverfissviðs sat fundinn undir þessum dagskrárlið.

Verðtilboð frá verktaka í viðgerðir á hjóla- og göngustíg að golfvelli lagt fram. Bæjarráð samþykkir að hefja verkið og felur sviðsstjóra að vinna málið áfram.

Sviðsstjóri skipulags- og umhverfissviðs sat fundinn undir þessum dagskrárlið.

Tillaga að útfærslu til að bregðast við flóði á Miðgarði lögð fram til umræðu.

Sviðsstjóri skipulags- og umhverfissviðs sat fundinn undir þessum dagskrárlið.

Óskað er heimildar bæjarráðs til að setja kantstein við lóðarmörk Gerðavalla 17-19 við Hólavelli og tyrfa svæðið fyrir innan.

Bæjarráð samþykkir erindið.

Sviðsstjóri skipulags- og umhverfissviðs sat fundinn undir þessum dagskrárlið.

Lagt er til að hafa sæti fyrir áhorfendur í allri stúkunni í nýja íþróttasalnum. Það felur í sér aukinn kostnað.

Sviðsstjóri skipulags- og umhverfissviðs sat fundinn undir þessum dagskrárlið.

Uppfærð viðbragðsáætlun vegna eldgoss við Grindavík frá almannavarnadeild Ríkislögreglustjóra lögð fram til upplýsinga.

Meirihlutinn tekur undir mikilvægi þess að endurskoða systkinaafslátt enda er kveðið á um slíkt í meirihlutasamningi B, D og U þar sem tekið er fram að markmiðið er að lækka gjöld til foreldra og aðlaga afslætti. Meirihlutinn er nú þegar með málið í vinnslu í samráði við sviðsstjóra og mun leggja málið fyrir þegar upplýsingar á faglegum grundvelli liggja fyrir.

Málinu frestað og óskað eftir því að sviðsstjóri félagsþjónustu- og fræðslusviðs mæti á næsta fund bæjarráðs.

Lagt fram fundarboð aðalfundar Landskerfa bókasafna miðvikudaginn 29. júní 2022. Bæjarráð samþykkir samhljóða að Andrea Ævarsdóttir verði fulltrúi Grindavíkurbæjar á fundinum.