Bæjarráð Grindavíkur - 1605. fundur

Sviðsstjóri frístunda- og menningarsviðs, sviðsstjóri félagsþjónustu- og fræðslusviðs og forstöðumaður öldrunarþjónustu sátu fundinn undir þessum dagskrárlið.

Janus Guðlaugsson íþrótta- og heilsufræðingur kynnti stöðuna eftir tveggja ára heilsueflingu meðal íbúa Grindavíkur.

Bæjarráð lýsir ánægju sinni með niðurstöður verkefnisins.

Sviðsstjóri frístunda- og menningarsviðs sat fundinn undir þessum dagskrárlið.

Lögð fram beiðni um styrk til Körfuknattleiksdeildar UMFG vegna tekjutaps.

Bæjarráð bendir á að erindi eiga að koma frá aðalstjórn UMFG skv. gildandi samningi en ekki frá einstökum deildum. Sviðsstjóra frístunda- og menningarsviðs er falið að svara erindinu og vinna málið áfram.

Málinu er frestað til næsta fundar.

Hopp ehf. óskar eftir leyfi til að reka stöðvalausa deilileigu á rafskútum í Grindavík.

Bæjarráð fagnar framtakinu.

Lagt fram áætlað rekstrar og sjóðstreymisyfirlit vegna ársins 2021. Mikill sjóðshalli er á félaginu og samþykkir bæjarráð að auka rekstrarframlag ársins 2021 um 28,2 milljónir umfram það sem þegar er í fjárhagsáætlun.

Bréf frá Eftirlitsnefnd með fjármálum sveitarfélaga, dags. 21. febrúar 2022 lagt fram.

Lögð fram eftirfarandi bókun stjórnarfundar SSS sem haldinn var 16. febrúar sl.

"Lagt fram. Stjórn S.S.S. hvetur aðildarsveitarfélög sín til að skoða hvort þau geti aukið samvinnu við Vinnumálastofnun vegna atvinnuleitenda með skerta stafsgetu. Framkvæmdastjóra falið að áframsenda erindið til aðildarsveitarfélaga".

Bæjarráð tekur undir bókun SSS og mun halda áfram að taka þátt í þessu átaki hér eftir sem hingað til.

Lagt fram erindi, dags. 11. febrúar sl., frá Stjórn Lánasjóðsins þar sem auglýst eftir framboðum til stjórnarsetu.

Lögð fram beiðni um umsögn vegna umsóknar Lionsklúbbs Grindavíkur um leyfi til að halda kútmagakvöld í íþróttahúsinu 11. mars nk.

Bæjarráð mælir með veitingu leyfisins.

Lionshreyfingin og Blindrafélagið hafa tekið höndum saman um átak til að tryggja framboð af leiðsöguhundum í landinu og óskar eftir fjárstuðningi til verkefnisins.

Bæjarráð samþykkir styrk að fjárhæð 50.000 kr.