Bæjarráð Grindavíkur - 1667. fundur

Gestir fundarins undir þessum dagskrárlið: Hafnarstjóri, sviðsstjóri félagsþjónustu- og fræðslusviðs, sviðsstjóri frístunda- og menningarsviðs og Skarphéðinn Berg Steinarsson. Frá Batteríinu: Davíð Ingi Bustion (Teams) og Sigurður Einarsson (Teams).

Lögð fram verkefnislýsing og áætlun um hönnun og ráðgjöf frá Batteríinu arkitektum.

Bæjarráð felur sviðsstjóra frístunda- og menningarsviðs að vinna málið áfram með fyrirvara um fjármögnun verkefnisins.

Gestir fundarins undir þessum dagskrárlið: Hafnarstjóri, sviðsstjóri félagsþjónustu- og fræðslusviðs, sviðsstjóri frístunda- og menningarsviðs og Skarphéðinn Berg Steinarsson.

Lagður fram leigusamningur við Breiðablik vegna aðstöðu í Smáranum með gildistíma 1. okt. 2024 til 31. maí 2025.

Bæjarráð felur bæjarstjóra að undirrita samninginn.

Gestir fundarins undir þessum dagskrárlið: Hafnarstjóri, sviðsstjóri félagsþjónustu- og fræðslusviðs, sviðsstjóri frístunda- og menningarsviðs og Skarphéðinn Berg Steinarsson.

Lagt fram minnisblað frá sviðsstjóra félagsþjónustu- og fræðslusviðs, dags. 1. október 2024.

Bæjarráð felur bæjarstjóra og sviðsstjóra félagsþjónustu- og fræðslusviðs að ræða við sveitarfélögin á Suðurnesjum um aðkomu Grindavíkurbæjar að þessum þjónustuúrræðum á árinu 2025.

Gestur fundarins undir þessum dagskrárlið: Hafnarstjóri.

Hafnasamband Íslands boðar til 44. hafnasambandsþings sem haldið verður í Hofi á Akureyri, dagana 24. og 25. október 2024.

Grindavík á skv. reglum Hafnasambandsins 5 fulltrúa.

Bæjarráð samþykkir að fari 3 fulltrúar frá Grindavíkurbæ á hafnarsambandsþingið.

Gestur fundarins undir þessum dagskrárlið: Hafnarstjóri.

Lögð fram fyrirspurn um hvort Grindavíkurbær haldi hafnasambandsþing haustið 2026 ásamt Suðurnesjabæ og Reykjaneshöfn.

Bæjarráð tekur jákvætt í erindið.

Lagt fram umræðuskjal um tekjustofna Grindavíkurbæjar á árinu 2025.

Farið yfir samskipti við framkvæmdanefnd um fasteignagjöld á árinu 2025 og fleiri tekjuforsendur fjárhagsáætlunar fyrir árið 2025.

Lagður fram tölvupóstur frá Grindinni trésmiðju vegna tryggingamála, dags. 16.09.2024.

Bæjarráð lýsir undrun sinni yfir afstöðu tryggingafélaga sem lýst er í erindinu og telur þetta ástand óviðunandi við þá uppbyggingu sem þegar er hafin í Grindavík og takmarkar möguleika fyrirtækja til reksturs í bæjarfélaginu.

Bæjarráð felur bæjarstjóra að ræða við framkvæmdanefndina um tryggingamál í Grindavík.

Borist hefur erindi frá lögreglustjóranum á Suðurnesjum vegna vettvangs vinnuslyss við Vesturhóp 26.

Bæjarráð felur bæjarstjóra að ræða við framkvæmdanefndina um framhald málsins.

Borist hefur erindi frá embætti lögreglustjórans á Suðurnesjum vegna aðstöðu fyrir lögregluna næstu mánuði. Horft er til þess að fá húsnæði Bókasafns Grindavíkur til afnota.

Bæjarráð samþykkir erindið.