Bæjarráð Grindavíkur - 1601. fundur

Sviðsstjóri frístunda- og menningarsviðs og sviðsstjóri skipulags- og umhverfissviðs sátu fundinn undir þessum dagskrárlið.

Á fjárfestingaráætlun ársins 2022 er gert ráð fyrir stúku og skjám í nýjan íþróttasal. Undirbúningur þessara verkefna er i gangi.

Lögð fram hugmynd, ásamt kostnaðaráætlun, um að koma fyrir veggsvölum fyrir ofan stúkuna ásamt fjölmiðlastúku ofan við ritaraborð.

Bæjarráð samþykkir framlagðar hugmyndir.

Sviðsstjóri skipulags- og umhverfissviðs sat fundinn undir þessum dagskrárlið.

Lagt fram bréf frá SSS, dags. 17.12.2021 varðandi starfshóp á vegum Kölku í þeim tilgangi að greina þær breytingar sem kunna að verða á nærsamfélaginu í kjölfar laga sem tóku gildi 1. janúar sl. Þess er óskað að Grindavíkurbær skipi fulltrúa í starfshópinn.

Bæjarráð felur bæjarstjóra að skipa í starfshópinn.

Sviðsstjóri skipulags- og umhverfissviðs sat fundinn undir þessum dagskrárlið.

Lagður fram tölvupóstur frá björgunarsveitinni Þorbirni varðandi hugmyndir um sameiginlega björgunarmiðstöð í Grindavík.

Bæjarráð tekur vel í hugmyndina og felur sviðsstjóra skipulags- og umhverfissviðs að vinna málið áfram.

Skólinn hefur fengið aukið fjárframlag til reksturs á fjárlögum 2022.

Bæjarráð fagnar því að skólinn sé kominn með betri rekstrargrundvöll með auknu fjárframlagi frá ríkinu.



Næstu skref eru að koma húsnæðismálum skólans í góðan farveg. Horft er til nýrrar viðbyggingar við Kvikuna að Hafnargötu 12a sem myndi tryggja skólanum húsnæði til framtíðar í Grindavík.

Fyrir liggja umsagnir frá HES, Slökkviliði Grindavíkur og byggingarfulltrúanum í Grindavík.

Bæjarráð samþykkir veitingu leyfisins með þeim fyrirvara sem Slökkvilið Grindavíkur setur um útistandandi úrbætur og fresti.