Bæjarráð Grindavíkur - 1522. fundur

Lögð er fram umsókn um byggingarleyfi vegna Hafnargötu 11. Um er að ræða stækkun á núverandi húsnæði á lóð um 187,8 m2. Stækkun er innan byggingnareits.

Skipulagsnefnd samþykkir byggingaráformin. Byggingarfulltrúi gefur út byggingarleyfi þegar öll fullnægjandi hönnunargögn hafa verið samþykkt.

Bæjarráð staðfestir samþykkt skipulagsnefndar.

Lögð er fram umsókn um byggingarleyfi vegna framkvæmda við 2. hæð á Víkurbraut 62.

Skipulagsnefnd samþykkir byggingaráformin. Byggingarfulltrúi gefur út byggingarleyfi þegar öll fullnægjandi hönnunargögn hafa verið samþykkt.

Bæjarráð staðfestir samþykkt skipulagsnefndar.

Lögð er fram umsókn Isavia ohf. um byggingarleyfi vegna masturs á Þorbirni. Um er að ræða að reisa þarf 21 m hátt mastur og taka niður annað mastur sem er 40 m að hæð.

Skipulagsnefnd samþykkir byggingaráformin. Byggingarfulltrúi gefur út byggingarleyfi þegar öll fullnægjandi hönnunargögn hafa verið samþykkt.

Bæjarráð staðfestir samþykkt skipulagsnefndar.

Fyrirhugaðar framkvæmdir við útistofu við leikskólann Krók verða til þess að stækka þarf byggingarreit á lóðinni sem kallar á óverulega breytingu á deiliskipulagi.

Skipulagsnefnd samþykkir að fara í fyrirhugaða deiliskipulagsbreytingu. Sviðstjóra falið að vinna málið áfram.

Bæjarráð staðfestir samþykkt skipulagsnefndar.

Óverulega deiliskipulagsbreyting á Bakkalág 17.

Skipulagsnefnd samþykkti á 60. fundi sínum þann 15.júlí sl. óverulega breytingu á deiliskipulag við Bakkalág 17 með fyrirvara um samþykki lóðarhafa að Bakkalág 15.

Deiliskipulagsbreytingin var grenndarkynnt lóðarhafa að Bakkálág 15 og var hún samþykkt athugasemdalaust.

Deiliskipulagsbreytingin felur í sér stækkun á byggingarreit á lóðinni Bakkalág 17 til norðurs um 4 m.

Bæjarráð samþykkir þessa óverulegu breytingu á deiliskipulagi.

Bæjarráð áréttar að samningsumboðið liggur hjá Sambandi íslenskra sveitarfélaga.

Bæjarráð Grindavíkur bendir á að á meðan ekki liggi fyrir undirritaður samningur við Samband íslenskra sveitarfélaga er ekki unnt að greiða þá eingreiðslu sem farið er fram á. Bæjarráð hvetur aðila til að ná saman sem allra fyrst.

Lagður fram til staðfestingar vinnslusamningur við Þekkingu ehf.

Bæjarráð samþykkir samninginn og felur bæjarstjóra að undirrita samninginn.

Bæjarráð samþykkir erindið en áréttar að ekkert rask eða ummerki verði eftir tökurnar.

Bæjarráð samþykkir erindið að því gefnu að engin ummerki verði að keppninni lokinni.

Lagður fram samningur við Öryggismiðstöðina um staðbundna vaktgæslu.

Bæjarráð samþykkir samninginn og felur bæjarstjóra að undirrita.

Bæjarráð samþykkir að vísa málinu til fjárhagsáætlunargerðar ársins 2020.