Bæjarráð Grindavíkur - 1708. fundur

Gestir fundarins undir þessum dagskrárlið: Hafnarstjóri. Frá björgunarsveitinni Þorbirni: Otti Rafn Sigmarsson og Bogi Adólfsson.

Björgunarsveitin Þorbjörn óskar eftir styrk til endurnýjunar á bílkrana. Bæjarráð frestaði málinu á síðasta fundi.

Bæjarráð samþykkir styrk að fjárhæð 5.000.000 kr. og leggur til við bæjarstjórn að samþykkja viðauka að sömu fjárhæð sem fjármagnaður verði með lækkun á handbæru fé.

Gestur fundarins undir þessum dagskrárlið: Sviðsstjóri félagsþjónustu- og fræðslusviðs.

Lokadrög að samningi við Reykjanesbæ sem leiðandi sveitarfélag lögð fyrir bæjarráð til kynningar.

Ályktun fulltrúafundar Skógræktarfélags Íslands d. 28.03.2026 lögð fram til kynningar.

Óskað var frekari gagna á síðasta bæjarráðsfundi.

Lögð fram viðbótargögn um tjónamat, annars vegar skýrslur matsmanna NTÍ og hins vegar greinargerð frá Tensio ehf. um ástandsmat húsanna Staðarsund 6-12. Gögn bera með sér að verulega ber á milli um umfang tjóns á húshlutum. Matsaðilum ber þó saman um að Staðarsund 6 er ekki mikið skemmt.

Bæjarráð telur rétt að fallast á erindi eigenda Staðarsunds 8 og Staðarsunds 10 um niðurfellingu fasteignagjalda á árinu 2026, á þeim grundvelli að verulegt tjón hefur orðið á húsunum. Húsin nýtast því ekki eigendum til atvinnustarfsemi án verulegra viðgerða.

Erindi eiganda Staðarsunds 6 um niðurfellingu fasteignagjalda á árinu 2026 er hafnað, á þeim grundvelli að húsnæðið er lítið skemmt og forsendur eru til þess að hefja aftur starfsemi í því.

Bæjarráð óskar eftir framlengingu í fjóra mánuði á ákvörðun innviðaráðherra til að tryggja starfhæfi bæjarstjórnar Grindavíkurbæjar og til að auðvelda ákvarðanatöku við stjórn sveitarfélagsins, sbr. auglýsingu nr. 1328/2025.

Gestir fundarins undir þessum dagskrárlið: Árni Þór Sigurðsson og Skarphéðinn Berg Steinarsson frá Grindavíkurnefnd.

Endurreisn Grindavíkur Rammaáætlun, skýrsla Grindavíkurnefndar er lögð fram.

Gestir fundarins undir þessum dagskrárlið: Árni Þór Sigurðsson og Skarphéðinn Berg Steinarsson frá Grindavíkurnefnd.

Skýrsla um framkvæmd stuðnings við lítil og meðalstór fyrirtæki í Grindavík lögð fram til kynningar.

Gestur fundarins undir þessum dagskrárlið: Sviðsstjóri félagsþjónustu- og fræðslusviðs og Guðlaug Erlendsdóttir, skólastjóri

Rætt um skólahald næsta haust.