Bæjarráð Grindavíkur - 1694. fundur

Gestir fundarins undir þessum dagskrárlið: Forstöðumaður þjónustumiðstöðvar, hafnarstjóri og skipulagsfulltrúi (Teams)

Lagt fram minnisblað "Undirbúningar niðurrifs altjónseigna í Grindavík" dags. 11. nóv. 2025 ásamt drögum að útboðslýsingu.

Bæjarráð samþykkir að auglýsa útboð á rammasamningi vegna niðurrifs altjónshúsa skv. útboðsskilmálum.

Gestur fundarins undir þessum dagskrárlið: Skipulagsfulltrúi (Teams).

Bæjarráð samþykkir framkomna beiðni um aflýsingu á lóðarleigusamningi og þar með skil á lóð og vísar til staðfestingar í bæjarstjórn.

Gestur fundarins undir þessum dagskrárlið: Skipulagsfulltrúi (Teams).

Bæjarráð samþykkir framkomna beiðni um aflýsingu á lóðarleigusamningi og þar með skil á lóð og vísar til staðfestingar í bæjarstjórn.

Lagður fram samstarfssamningur um rekstur slökkviliðs Grindavíkur ásamt viðaukum.

Samfélagsnefnd leggur til að horfið verður til þess fyrirkomulags sem var við lýði fyrir rýmingu við val á íþróttafólki Grindavíkur. Lagt er til að átta aðilar sjái um valið í stað tíu áður.

Bæjarráð samþykkir tillögu samfélagsnefndar.

Lögð fram bókun Stjórnar Byggðastofnunar en þar kemur fram að samþykktir hafa veriö styrkir úr Sóknarsjóði fyrir smærri fyrirtæki í Grindavík, alls 130,4 millj. kr.

Lögð fram bókun ráðgjafanefndar Jöfnunarsjóðs sveitarfélaga vegna samkomulags innviðaráðherra og Grindavíkurbæjar þar sem mælt er með 600 millj. kr. framlagi til Grindavíkurbæjar.

Hallfríður vék af fundi kl. 15:50

Gestir fundarins undir þessum dagskrárlið: Sviðsstjóri félagsþjónustu- og fræðslusviðs (Teams), sviðsstjóri frístunda- og menningarsviðs, hafnarstjóri, launafulltrúi og Gunnar Már.

Farið yfir mögulegar forsendur vegna rekstrar Grindavíkurbæjar og stofnana fyrir árið 2026.