Bæjarráð Grindavíkur - 1507. fundur

Matthías Þorvaldsson mætti á fundinn og fór yfir þjónustukönnuna.

Sviðsstjóri félagsþjónustu- og fræðslusviðs sat fundinn undir þessum dagskrárlið.

Umsagnir og athugasemdir varðandi flutning á skólastigum milli skólahúsnæðis lagðar fram.

Bæjarráð samþykkir að lengja skilafrest nefndarinnar til 1. maí 2019.

Sviðsstjóri skipulags- og umhverfissviðs, byggingafulltrúi og umsjónarmaður áhaldahúss og fasteigna sátu fundinn undir þessum dagskrárlið.

Greinargerð og minnisblað frá EFLU verkfræðistofu um ástandsskoðun á skolplögnum Fráveitu Grindavíkur lögð fram. Lagnirnar skiptast í fjóra megin stofna, vesturstofn, austurstofn, iðnaðarsvæði og rotþrær. Þessi greinargerð snýst aðallega um vesturstofninn frá Laut og hreinsun á þeim stofni, en einnig um fráveituna almennt.

Á árinu 2019 þarf að fara í meira viðhald lagnanna en gert var ráð fyrir í fjárhagsáætlun ársins 2019.

Óskað er eftir viðauka við fjárhagsáætlun Fráveitu vegna ársins 2019:

Á lykil 51111-4976 kr. 1.887.000 og á lykil 51111-4947 kr. 1.854.000. Alls kr. 3.741.000.

Bæjarráð leggur til við bæjarstjórn að samþykkja viðauka á rekstur Fráveitu fyrir árið 2019 að fjárhæð 3.741.000 kr. sem fjármagnaður verði með lækkun á handbæru fé.

Sviðsstjóri skipulags- og umhverfissviðs, byggingafulltrúi og umsjónarmaður áhaldahúss og fasteigna sátu fundinn undir þessum dagskrárlið.

Greinargerð um kostnað vegna breytinga á Gerðavöllum 17 lögð fram.

Sviðsstjóri skipulags- og umhverfissviðs, byggingafulltrúi og umsjónarmaður áhaldahúss og fasteigna sátu fundinn undir þessum dagskrárlið.

Skýrsla og minnispunktar kynntir fyrir bæjarráði um götulýsingar og ástand hennar í Grindavíkurbæ lögð fram. Skýrslan inniheldur einnig hugmyndir varðandi framtíðarsýn og möguleikum í götulýsingum ásamt viðhaldi og stýringum á þeim og er þeim varpað fram í skýrslunni.

Óskað er eftir viðauka að fjárhæð 10.000.000 kr. á fjárhagsáætlun 2019 til að setja upp skápa fyrir ljósastaurastýringar.

Bæjarráð leggur til við bæjarstjórn að samþykkja viðaukabeiðnina og að hún verði fjármögnuð með lækkun á handbæru fé.

Jafnframt samþykkir bæjarráð að farið verði í útboð á götulömpum sem tekið verði fyrir í fjárhagsáætlunarvinnu fyrir árið 2020.

Sviðsstjóri skipulags- og umhverfissviðs, byggingafulltrúi og umsjónarmaður áhaldahúss og fasteigna sátu fundinn undir þessum dagskrárlið.

Óskað er eftir heimild til að flytja 11.000.000 kr. milli liða í eignfærðri fjárfestingu.

Bæjarráð leggur til við bæjarstjórn að samþykkja þessa breytingu.

Sviðsstjóri skipulags- og umhverfissviðs, byggingafulltrúi og umsjónarmaður áhaldahúss og fasteigna sátu fundinn undir þessum dagskrárlið.

Fyrirspurn frá arkitektum Studio Granda vegna grágrýtis sem er í eigu Grindavíkurbæjar. Verið er að falast eftir óvenjulega blæbrigðaríku grágrýti, sem hugsað er sem hluti klæðningar á nýbyggingu Alþingis á horni Vonarstrætis og Tjarnargötu í Reykjavík.

Bæjaráð tekur vel í erindið. Sviðsstjóra skipulags- og umhverfissviðs og bæjarstjóra falið að vinna málið áfram.

Yfirlit um álagningu fasteignagjalda 2019 er lagt fram.

Lagt fram yfirlit yfir mögulegar leiðir við að opna bókhald bæjarins á heimasíðunni.

Sviðsstjóra fjármála- og stjórnsýslusviðs falið að vinna málið áfram.

Hallfríður Hólmgrímsdóttir bæjarfulltrúi leggur málið fyrir fundinn.

Bæjarráð óskar eftir frekari upplýsingum frá sviðsstjóra félagsþjónustu- og fræðslusviðs á næsta fund bæjarráðs.

Sambandið hvetur sveitarstjórnir til þess að taka til umfjöllunar beiðni frá nefndasviði Alþingis þar sem óskað er eftir umsögnum um frumvarp til laga um breytingar á lögum um kosningar til sveitarstjórna.

Erindið er lagt fram.