Bæjarráð Grindavíkur - 1549. fundur

Gestir fundarins undir þessum dagskrárlið voru bæjarfulltrúar sem ekki sitja í bæjarráði, formaður skipulagsnefndar, hafnarstjóri, formaður hafnarstjórnar, sviðsstjóri skipulags- og umhverfissviðs, byggingarfulltrúi/veitustjóri og umsjónarmaður fasteigna.

Auk þess tveir ráðgjafar frá verkfræðistofunni Eflu sem kynntu niðurstöður líkans til að staðsetja útrás fráveitukerfis Grindavíkurbæjar, utan hafnargarða.

Bæjarráð samþykkir að skoða nánar valkosti B og C sem báðir eru í vestari hluta Hópsness.

Bæjarfulltrúarnir Guðmundur Pálsson og Birgitta Káradóttir sátu fundinn undir þessum dagskrárlið.

Hallgrímur Arnarson frá KPMG mætti á fundinn og kynnti lausn KPMG um bókhaldsupplýsingar á heimasíðu bæjarins.

Bæjarráð samþykkir að kaupa kerfið frá KPMG og gerir ráð fyrir innleiðingu í haust.

Lögð fram tillaga að staðfestingu á aflýsingu kvaðar vegna ákvæða um hagnýtingarsamning um náttúruauðlindir.

Bæjarráð samþykkir yfirlýsinguna.

Lögð fram viljayfirlýsing um fagháskólanám í leikskólafræðum í samvinnu Háskóla Íslands, Keilis og sveitarfélaganna á Suðurnesjum.

Yfirlýsingin hefur verið undirrituð með fyrirvara um staðfestingu sveitarfélaganna.

Bæjarráð staðfestir viljayfirlýsinguna.

Bréf frá Eftirlitsnefnd með fjármálum sveitarfélaga, dags. 14. maí 2020, lagt fram.

Lögð fram skýrsla Byggðastofnunar um samanburð á fasteignamati og fasteignagjöldum 2020 á 26 þéttbýlisstöðum á landinu. Fram kemur að Grindavík er að innheimta næstlægstu fasteignagjöldin af þessum 26 þéttbýlisstöðum sem fram koma í skýrslunni.

Haustið 2019 var skipaður starfshópur til að vinna tímasetta aðgerðaáætlun um hvernig efla megi þjónustu ríkisins við íbúa á Suðurnesjum og mæta mikilli fólksfjölgun á svæðinu. Skýrsla starfshópsins er lögð fram.

Skólastjóri Grunnskóla Grindavíkur gerir tilkall til húsnæðisins við Skólabraut sem nú er í fórum Félags handverkafólks í Grindavík.

Bæjarstjóra er falið að vinna málið áfram.

Lagt fram fundarboð aðalfundar Landskerfa bókasafna fimmtudaginn 11. júní 2020.

Bæjarráð samþykkir samhljóða að Andrea Ævarsdóttir verði fulltrúi Grindavíkurbæjar á fundinum.

Lagt fram fundarboð aðalfundar Lánasjóðs sveitarfélaga sem haldinn verður á Grand Hótel Reykjavík, föstudaginn 12. júní 2020 kl. 15:00.

Allir sveitarstjórnarmenn eiga rétt á að sækja aðalfundinn.

Úrskurður úrskurðarnefndar í vátryggingamálum lagt fram.

Bæjarráð hafnar erindinu.

Akstursíþróttafélag Suðurnesja óskar eftir heimild til þess að fram fari rall um Hópsnesið 6. júní.

Bæjarráð samþykkir erindið svo fremi sem skilað verið við veginn eins og komið var að honum.

Bæjarráð vísar erindinu til fjárhagsáætlunar ársins 2021.

Lagt fram erindi frá ritstjóra Víkurfrétta um stuðning við sjónvarpsþáttaframleiðslu.

Bæjarráð samþykkir að styrkja verkefnið um 300.000 kr.