Bæjarráð Grindavíkur - 1485. fundur

Umsjónarmaður fasteigna Grindavíkurbæjar sat fundinn undir þessum dagskrárlið.

Á 1484. fundi bæjarráðs var samþykkt að efna til fundar með starfsmönnum Lautar og foreldraráði um stöðu húsnæðismála skólans og var sá fundur haldinn í bæjarstjórnarsalnum kl. 16:00 í dag. Hluti fundarmanna kom einnig inn á bæjarráðsfundinn við umræður undir þessum dagskrárlið.

Bæjarráð tekur undir hugmyndir starfsmanna og felur sviðsstjóra félagsmála- og fræðslusviðs að vinna áfram með þá hugmynd í samráði við stjórnendur Lautar. Jafnframt samþykkir bæjarráð að útistofan við Laut verði fjarlægð.

Fyrir fundinum lá bréf frá íbúum við Árnastíg þar sem vakin var athygli á þeirri hættu sem getur skapast á gangbraut yfir Víkurbraut.

Bæjarráð þakkar ábendinguna og samþykkir að fela sviðsstjóra skipulags- og umhverfissviðs að gera tillögur til úrbóta sem fyrst.

Landsþing Sambands íslenskra sveitarfélaga verður haldið á Akureyri 26.-28. september nk. Grindavíkurbær hefur rétt til að senda þrjá bæjarfulltrúa á landsþingið auk bæjarstjóra. Lagt fram til kynningar.