Bæjarráð Grindavíkur - 1477. fundur

Sviðsstjóri félagsþjónustu- og fræðslusviðs mætti á fundinn undir þessum dagskrárlið.

Félagsmálanefnd leggur til að færður verði inn nýr töluliður nr. 7 undir 5. gr. reglna Grindavíkurbæjar um félagslega heimaþjónustu svohljóðandi:

7. Heimsending matar

Þeir sem geta ekki eldað sjálfir um skemmri eða lengri tíma geta sótt um að fá heimsendan mat á opnunartíma mötuneytis í Víðihlíð.

Jafnframt leggur félagsmálanefnd til að tekinn verði inn nýr gjaldaliður í þjónustugjaldskrá Grindavíkurbæjar:

Heimsendur matur til eldri borgara 1.150 kr.

Bæjarráð leggur til við bæjarstjórn að samþykkja tillögu félagsmálanefndar en leggur jafnframt til að álagið verði 200 kr. og skammturinn kosti því 1.200 kr.

Sviðsstjóri félagsþjónustu- og fræðslusviðs og sviðsstjóri skipulags- og umhverfissviðs mættu á fundinn undir þessum dagskrárlið.

Bæjarráð felur sviðsstjóra félagsþjónustu- og fræðslusviðs og sviðsstjóra skipulags- og umhverfissviðs að vinna málið áfram og leggja fyrir næsta bæjarstjórnarfund.

Ársreikningur 2017 lagður fram ásamt skýringum forstöðumanna á helstu frávikum rekstrareininga.

Bæjarráð vísar ársreikningi Grindavíkurbæjar og stofnana fyrir árið 2017 til fyrri umræðu í bæjarstjórn.

Lagt fram bréf frá Lánasjóði sveitarfélaga vegna arðgreiðslu á árinu 2018 að fjárhæð 4.225.320 kr.

Bæjarráð samþykkir að styrkja Lionsklúbb Grindavíkur um 100.000 kr. vegna fjáröflunarkvölds Lionsklúbbsins í íþróttahúsinu.

Bæjarráð tekur jákvætt í erindið en útgreiðsla 50.000 kr. styrks yrði ekki fyrr en gerð heimildarmyndarinnar er lokið.