Bæjarráð Grindavíkur - 1301. fundur

Sigríður Snæbjörnsdóttir forstjóri HSS og Jón Guðlaugsson slökkvistjóri BS komu á fundinn og gerðu grein fyrir fyrirhuguðum breytingum á sjúkraflutningum í Grindavík.

Bæjarráð óskar eftir að fá að heyra sjónarmið sjúkraflutningamanna og felur bæjarstjóra að boða fulltrúa þeirra á næsta fund.

Viljayfirlýsing milli Grindavíkurbæjar og IceAq ehf. um lóð undir fiskeldi og aðra matvælaframleiðslu í Grindavík lögð fram.

Bæjarráð vísar erindinu til bæjarstjórnar til staðfestingar.

Framhald máls sem var frestað á 1299. fundi vegna skorts á upplýsingum. Upplýsingar liggja nú fyrir frá Jöfnunarsjóði sveitarfélaga.

Bæjarráð samþykkir umsóknina og leggur til við bæjarstjórn að samþykktur verði viðauki við fjárhagsáætlun ársins 2012 að fjárhæð 300.000 kr.

Endurrit dóms Hæstaréttar vegna landamerkja jarða á Vatnsleysuströnd annarsvegar og Hrauns og Krýsuvíkur í Grindavík hinsvegar lagt fram. Hæstiréttur staðfesti dóm héraðsdóms. Landamerki Hrauns og Krísuvíkur standa því óhreyfð.

Hæstiréttur felldi niður málskostnað bæði í héraði og fyrir Hæstarétti, en Grindavíkurbær hefur borið ábyrgð á kostnaði vegna lands Krýsuvíkur sem er í eigu Héraðsnefndar Suðurnesja.

Bæjarráð felur bæjarstjóra að fara fram á endurgreiðslu þess kostnaðar frá Héraðsnefndinni.

Lagt fram.

Fundargerðirnar eru lagðar fram.

Tillaga starfshóps um gildi í starfsemi Grindavíkurbæjar lögð fram.

Vinna við tillöguna hófst á starfsmannadegi Grindavíkurbæjar 2011 og voru tillögurnar kynntar á starfsmannadegi Grindavíkurbæjar 2012.

Tillagan er:

Jafnræði- Við höfum jafnrétti, samkennd og samvinnu að leiðarljósi

Jákvæðni- Við erum uppbyggileg í samskiptum

Þekking- Við byggjum á menntun, reynslu og hugviti

Framsækni- Við erum forsjál, vinnusöm og skapandi

Traust- Við erum heiðarleg, vandvirk og orðheldin

Bæjarráð samþykkir tillöguna og vísar henni til staðfestingar bæjarstjórnar.

Forstöðumaður bókasafns óskar eftir viðauka við fjárhagsáætlun ársins 2012 vegna útgjalda sem koma fram á þessu ári, en styrkir bárust á vegna þeirra verkefna á árinu 2011.

Bæjarráð samþykkir tillöguna og leggur til við bæjarstjórn að samþykktur verði viðauki við fjárhagsáætlun ársins 2012 að fjárhæð 650.000 kr.

Skólastjóri Tónlistarskóla Grindavíkur óskar eftir viðbótarstöðugildi við skólann.

Erindinu er hafnað.

Bæjarráð leggur til að starfsmannaþörf skólans verið metin sem hluti af þeirri stefnumörkun sem nú fer fram.

Minnisblað upplýsinga- og þróunarfulltrúa lagt fram.

Bæjarráð felur upplýsinga- og þróunarfulltrúa að útbúa drög að útboðslýsingu og leggja fyrir bæjarráð.

Minnisblað upplýsinga- og þróunarfulltrúa lagt fram.

Samkvæmt fyrirliggjandi upplýsingum er hagkvæmara fyrir Grindavíkurbæ að halda áfram samstarfi við Skólamat í stað þess að elda matinn í eldhúsi á vegum Grindavíkurbæjar.

Hilmar K. Larsen fh. hestamannafélagsins Brimfaxa upplýsir um uppsögn á samstarfssamningi um reiðvegi og slóða við Fjórhjólaævintýri ehf.

Bréfið er lagt fram.

Bæjarráð felur frístunda- og menningarnefnd að meta hvort stefna eigi að uppbyggingu á inni- eða útisundlaug svo hægt sé að taka tillit til þess við hönnun íþróttamannvirkja sem og við deiliskipulag á svæðinu. Einnig skal tryggt að nægt svigrúm sé til að skapa gott útisvæði. Haft skal samráð við sunddeild UMFG og Grunnskóla Grindavíkur. Skila skal greinargerð til bæjarráðs Grindavíkur fyrir 17. desember þar sem fram koma kostir og gallar við bæði inni- og útisundlaug ásamt grófri kostnaðaráætlun á uppbyggingu og rekstri inni- og útisundlaugar.

Í tilefni 40 ára afmælis Tónlistarskóla Grindavíkur samþykkir bæjarráð gefa skólanum AER acoustic Domino.

Hönnun nýs sérhæfðs húsnæðis fyrir tónlistarskólann liggur fyrir og unnið er að útboði sem miðar að framkvæmdum á árinu 2013. Nýtt húsnæði mun gjörbylta aðstöðu til tónlistarkennslu í Grindavík.

Björn Viðar Ellertsson f/h Ellerts Skúlasonar ehf. óskar eftir því að fá að kaupa burðarefni úr jarðvegsnámu við Melhól. Um er að ræða um það bil 10.000m3 af efni.

Bæjarráð hafnar erindinu þar sem unnið að útboði á rekstri námunnar.