Bæjarráð Grindavíkur - 1339. fundur

Nökkvi Már Jónsson sviðsstjóri félagsþjónustu- og fræðslusviðs og Jón Þórisson sviðsstjóri fjármála- og stjórnsýslusviðs fóru yfir tillögu um afslátt á milli dagforeldraþjónustu, leikskóla og skólasels og fyrirkomulagi til að halda utanum afslættina.

Afsláttur vegna annars barns verður 35%.

Afsláttur vegna þriðja barns verður 70%.

Afsláttur vegna fjórða barns verður 100%.

Afsláttur er veittur af lægsta gjaldi.

Lagt er til að koma upp rafrænni skráningu umsókna í gegnum Íbúagátt í One kerfinu. Það býður auk þess upp á fleiri möguleika í rafrænni stjórnsýslu.

Bæjarráð samþykkir tillöguna og leggur til við bæjarstjórn að samþykktur verði viðauki við fjárhagsáætlun ársins 2014 upp á 1.400.000 kr. sem komi til lækkunar á handbæru fé.

Áætlað er að nýtt kerfi taki gildi 1. mars næstkomandi.

Skýrsla KPMG vegna skoðunar á innra eftirliti og fjárhagskerfi 2013 lögð fram.

Minnisblað bæjarstjóra um stöðu endurvinnslu og umhverfismála í stofnunum Grindavíkurbæjar lagt fram.

Minnisblað Íslandsbanka um stöðu kaupsamnings vegna kaupa Úrsus I slhf. á um þriðjungs hlut í HS Veitum hf. lagt fram.

Tillaga að nýju vaktafyrirkomulagi á sameiginlegu bókasafni lögð fram.

Frestað.

Lagt fram.

Fundargerðir verkfunda nr. 19-22 lagðar fram, ásamt fundargerð bygginganefndar nr. 6.

Bæjarráð bókar að í 6. fundargerð bygginganefndar komi fram að hönnuður hafi gefið þær skýringar að við vinnslu teikninga hafi verið teiknað ofnakerfi í stað gólfhita fyrir mistök og taki hann fulla ábyrgð á því.

Bæjarráð óskar eftir upplýsingum um hvort hægt sé að gera breytingar til að koma fyrir gólfhita á bókasafninu.