Bæjarráð Grindavíkur - 1441. fundur

Eigendur Staðarvarar 4 höfðu óskað eftir að fá að koma á fund og samþykkti bæjarráð þá beiðni. Eigendurnir kynntu sín sjónarmið fyrir bæjarráði. Bæjarráð samþykkir að fresta málinu og bæjarstjóra falið að afla frekari gagna.

Á fundinn mætti Jón Norðfjörð framkvæmdastjóri Kölku sem og tveir starfsmenn frá Capacent og fór yfir gögn er varða mögulega sameiningu. Allir aðal- og varabæjarstjórnarfulltrúar höfðu fengið tölvupóst um þessa kynningu og áttu þess kost að mæta.

Á fundinn mættu Ólafur Árnason og Ingi Ingason frá verkfræðistofunni Eflu og kynntu stöðu málsins. Allir aðal- og varabæjarstjórnarfulltrúar höfðu fengið tölvupóst um þessa kynningu og áttu þess kost að mæta. Bæjarráð samþykkir að fela Ólafi og Inga að móta tillögur að svarbréfi til OS í samræmi við umræður á fundinum og verði bréfið lagt fyrir bæjarstjórn til afgreiðslu.

Til fundarins var mættur sviðsstjóri skipulags- og umhverfissviðs, Ármann Halldórsson, og kynnti hann málið. Bæjarráð felur sviðsstjóra að vinna að auglýsingu um umsýslu á Melhólsnámu.

Til fundarins var mættur sviðsstjóri skipulags- og umhverfissviðs, Ármann Halldórsson, og kynnti hann málið. Gatnagerð er ekki hafin á svæðinu og lóðirnar því ekki lausar til úthlutunar sem stendur. Bæjarráð tekur jákvætt í erindi Austurbær-fasteignafélag og felur sviðsstjóra að vinna málið áfram.

Bæjarstjóri fór yfir málið og lögð voru fram drög að auglýsingu eftir rekstraraðilum í Kvikuna. Bæjarráð samþykkir að auglýsa á grundvelli draganna.

Fyrir fundinum lágu drög að samningi um æskulýðsstarf milli Grindavíkurbæjar og Grindavíkurkirkju. Bæjarráð samþykkir samninginn.

Sviðsstjóri frístunda- og menningarsviðs, Björg Erlingsdóttir, hélt fund með fulltrúum knattspyrnudeildar og ritaði minnisblað sem lá fyrir fundinum. Bæjarráð samþykkir að fresta málinu.

Bæjarráð hafnar samningi um framleiðslu og verkstjórn á markaðsátaki við félagið GRP ehf.

Bæjarráð leggur til við bæjarstjórn að veita 1.000.000 kr. styrk til kaupa á hjálpartækjum til björgunarstarfa.

Málið lagt fram til kynningar. Bæjarráð þakkar ábendinguna og vísar erindinu til umhverfis- og ferðamálanefndar.