Bæjarráð Grindavíkur - 1344. fundur

Þorsteinn Gunnarsson sviðsstjóri frístunda- og menningarsviðs kom á fundinn og fór yfir drög að dagskrá 40 ára afmælishátíðar Grindavíkurbæjar.

Bæjarráð samþykkir að veita heiðursviðurkenningar fyrir góð störf í þágu samfélagsins í Grindavík í tilefni 40 ára afmælis Grindavíkurbæjar. Afhending viðurkenninga fer fram á hátíðarfundi bæjarstjórnar 10. apríl næstkomandi.

Afmælisnefnd er falið að óska eftir tilnefningum og gera tillögu að heiðursviðurkenningum.

Þorsteinn Gunnarsson sviðsstjóri frístunda- og menningarsviðs kynnti tillögu Vinnuverndarnefndar að stefnu Grindavíkurbæjar í eineltismálum ásamt aðgerðaráætlun. Áætlunin verður hluti af endurskoðaðri starfsmannastefnu sveitarfélagsins, sem er í vinnslu.

Bæjarráð samþykkir tillöguna og felur starfsmannastjóra að kynna hana fyrir starfsmönnum.

Fulltrúar Félags eldri borgara Grindavík hafa óskað eftir aðstöðu fyrir púttvöll innanhúss.

Frístunda- og menningarnefnd leggur til að Félag eldri borgara fá aðstöðu í einni útistofunni við grunnskólann fyrir púttvöll og billiardborð.

Bæjarráð samþykkir tillögu nefndarinnar og felur sviðsstjóra að ræða við FEB Grindavík um leigusamning um aðstöðuna.

Stjórn SSS leggur til að fenginn verði hlutlaus aðili til að gera faglega úttekt á samstarfi sveitarfélaganna á Suðurnesjum um þjónustu við fatlað fólk, áður en endurskoðun á samningnum fer fram.

Bæjarráð samþykkir tillögu stjórnar SSS.

Minnisblað frá fundi Búmanna og bæjarstjóra þann 7. mars lagt fram.

Búmenn hyggjast boða til fundar með fulltrúum sveitarfélaganna á Suðurnesjum og þingmönnum kjördæmisins.

Fundarboð á aðalfund Samtaka atvinnulífsins 2014 sem haldinn verður 3.apríl næstkomandi.

Bæjarráð felur bæjarstjóra að sitja fundinn fyrir hönd Grindavíkurbæjar.