Bæjarráð Grindavíkur - 1483. fundur

Sviðsstjóri skipulags- og umhverfissviðs sat fundinn undir þessum dagskrárlið.

Erindi frá Þorláki Guðmundssyni lagt fram. Í erindinu er óskað eftir byggingarleyfi fyrir viðbyggingu við Stamphólsveg 2. Erindinu fylgja teikningar unnar af verkfræðistofunni Beimur dagsettar 31.5.2018.

Skipulagsnefnd leggur til við bæjarstjórn að byggingaráformin verði samþykkt. Byggingarleyfi er gefið út af byggingarfulltrúa þegar fullnægjandi hönnunargögn hafa borist.

Bæjarráð samþykkir samhljóða tillögu skipulagsnefndar.

Sviðsstjóri skipulags- og umhverfissviðs sat fundinn undir þessum dagskrárlið.

Erindi frá H.H. smíði lagt fram. Í erindinu er óskað eftir byggingarleyfi fyrir fjölbýlishúsi við Norðurhóp 62. Erindinu fylgja teikningar unnar af Rýma arkitektum dagsettar 27.11.17.

Skipulagsnefnd leggur til við bæjarstjórn að byggingaráformin verði samþykkt. Byggingarleyfi er gefið út af byggingarfulltrúa þegar fullnægjandi hönnunargögn berast.

Bæjarráð samþykkir samhljóða tillögu skipulagsnefndar.

Sviðsstjóri skipulags- og umhverfissviðs sat fundinn undir þessum dagskrárlið.

Erindi frá H.H. smíði lagt fram. Í erindinu er sótt um lóðina Norðurhóp 64.

Skipulagsnefnd leggur til við bæjarstjórn að erindið verði samþykkt með fyrirvara um að umsækjandi standist reglur um lóðaúthlutanir.

Bæjarráð samþykkir samhljóða tillögu skipulagsnefndar.

Sviðsstjóri skipulags- og umhverfissviðs sat fundinn undir þessum dagskrárlið.

Erindi frá Verkbæ ehf. lagt fram. Í erindinu er sótt um lóðina Víkurhóp 55.

Skipulagsnefnd leggur til við bæjarstjórn að erindið verði samþykkt með fyrirvara um að umsækjandi standist reglur um lóðaúthlutanir.

Bæjarráð samþykkir samhljóða tillögu skipulagsnefndar.

Sviðsstjóri skipulags- og umhverfissviðs sat fundinn undir þessum dagskrárlið.

Erindi frá Matorku ehf. lagt fram. Í erindinu er óskað eftir breytingu á deiliskipulagi fiskeldis á iðnaðarsvæði i5. Breytingin felur í sér að hámarkshæð fóðursílóa og súrefnistanka hækkar úr 8m í 10m. Einnig er óskað eftir því að skilmálar fyrir framleiðslugetu verði ekki skilgreindir í fjölda tonna heldur verður vísað í starfsleyfi hverju sinni.

Skipulagsnefnd leggur til við bæjarstjórn að tillagan verði samþykkt skv. 2. mgr. 43. gr. skipulagslaga nr. 123/2010.

Bæjarráð samþykkir samhljóða tillögu skipulagsnefndar.

Sviðsstjóri skipulags- og umhverfissviðs sat fundinn undir þessum dagskrárlið.

Erindi frá Axel Ómarssyni f.h. Eyri ehf. lagt fram. Í erindinu er óskað eftir stöðuleyfi fyrir gám við Miðgarð 2. Erindinu fylgir skissa með fyrirhugaðri staðsetningu.

Skipulagsnefnd leggur til við bæjarstjórn að erindið verði samþykkt.

Bæjarráð samþykkir samhljóða tillögu skipulagsnefndar.

Sviðsstjóri skipulags- og umhverfissviðs sat fundinn undir þessum dagskrárlið.

Lagt fram minnisblað frá tæknideild þar sem óskað er eftir 11 mkr. viðauka við fjárhagsáætlun 2018 til þess að hefja framkvæmdir við lagningu ljósleiðara í Þórkötlustaðahverfi og við Nesveg.

Bæjarráð samþykkir samhljóða viðauka við fjárhagsáætlun 2018 að fjárhæð 11.000.000 kr. sem fjármagnaður verði með lækkun á handbæru fé.

Sviðsstjóri skipulags- og umhverfissviðs sat fundinn undir þessum dagskrárlið.

Sviðsstjóri skipulags- og umhverfissviðs óskar eftir viðauka við fjárhagsáætlun 2018 að fjárhæð 3.000.000 kr. vegna beiðni um að byggingafulltrúi og lögfræðingur á tæknideild verði í 100% stöðum frá og með 1. október 2018.

Bæjarráð samþykkir samhljóða að fresta málinu.

Sviðsstjóri félagsþjónustu- og fræðslusviðs sat fundinn undir þessum dagskrárlið.

Lagt fram bréf frá mennta- og menningarmálaráðuneyti dags. 29. maí sl.

Jafnframt er lögð fram tillaga að svarbréfi til ráðuneytisins.

Bæjarráð samþykkir samhljóða svarbréfið.

Sviðsstjóri skipulags- og umhverfissviðs og sviðsstjóri félagsþjónustu- og fræðslusviðs sátu fundinn undir þessum dagskrárlið.

Málefnavinna hvað varðar framtíðarmálefni leik- og grunnskóla mun fara af stað á næstu vikum hjá fræðslunefnd.

Sviðsstjóri félagsþjónustu- og fræðslusviðs sat fundinn undir þessum dagskrárlið.

Bréf Sambands íslenskra sveitarfélaga lagt fram.

Sviðsstjóri félagsþjónustu- og fræðslusviðs sat fundinn undir þessum dagskrárlið.

Lögð fram beiðni um aukningu starfshlutfalls talmeinafræðings auk greinargerðar. Kostnaðarauki vegna þessa er á árinu 1.000.000 kr. og er óskað eftir viðauka til að mæta þeim kostnaði.

Bæjarráð samþykkir samhljóða 20% aukningu á stöðugildi talmeinafræðings og samþykkir jafnframt viðauka við fjárhagsáætlun 2018 að fjárhæð 1.000.000 kr. sem fjármagnaður verði með lækkun á handbæru fé.

Sviðsstjóri félagsþjónustu- og fræðslusviðs sat fundinn undir þessum dagskrárlið.

Lagt er til að gjaldflokkum frístundaheimilis verði fækkað en verð haldist óbreytt og óskað er staðfestingu bæjarráðs þar um.

Bæjarráð samþykkir samhljóða fækkun gjaldflokka.

Sviðsstjóri félagsþjónustu- og fræðslusviðs sat fundinn undir þessum dagskrárlið.

Bæjarráð hefur farið yfir gögn málsins og umrædd geymsla er ekki til almennra afnota fyrir íbúa í eldra rými heldur er hún geymsla fyrir stærri íbúð á efri hæð í viðbyggingu. Bæjarráð áréttar að eldri íbúðir hafa geymslur á 3. hæð í Víðihlíð.

Bæjarstjóra er falið að senda viðkomandi leigjanda bréf í samræmi við niðurstöðu fundarins.

Sviðsstjóri félagsþjónustu- og fræðslusviðs sat fundinn undir þessum dagskrárlið.

Lögð fram rekstraráætlun vegna 6 nýrra íbúða í Víðihlíð ásamt útreikningi á íbúðaréttargreiðslum og mánaðarlegri leigu.

Bæjarráð samþykkir samhljóða útreiknaðan íbúðarétt og útreiknaða leigu með þeirri breytingu að leiga stærri íbúðanna lækki um 11%.

Lagður fram tölvupóstur frá Vegagerðinni þar sem fram kemur að byjað er á forhönnun til yfirferðar og umferðaröryggisrýni.

Lagt var upp með að verkhönnun og útboðsgögn liggi fyrir í október en reynt verður að flýta því.

Hagtak hefur boðist til að flytja efni sem ekki nýtist innan við þilið upp á land við í landfyllingu norðan við Eyjabakka fyrir um 900.000 kr. en þetta er ekki á fjárhagsáætlun og því óskar hafnarstjórn eftir viðauka við fjárhagsáætlun 2018 að fjárhæð 900.000 kr. til verksins.

Bæjarráð samþykkir samhljóða viðauka við fjárhagsáætlun 2018 að fjárhæð 900.000 kr. sem fjármagnaður verði með lækkun á handbæru fé.

Lagt fram minnisblað um samstarfsverkefni með sveitarfélaginu Vogum.

Bæjarstjóra falið að vinna málið áfram.

Lögð fram afgreiðsla Reykjanesbæjar vegna ráðningar sameiginlegs persónuverndarfulltrúa. Reykjanesbær mun ráða persónuverndarfulltrúa og öðrum sveitarfélögum og sameiginlega reknum fyrirtækjum og stofnunum sveitarfélaganna á Suðurnesjum býðst að kaupa þjónustu persónuverndarfulltrúans af Reykjanesbæ.

Bæjarráð samþykkir samhljóða að ganga til viðræðna við Reykjanesbæ um kaup á þessari þjónustu.

Lagt fram bréf frá HES, Heilbrigðiseftirliti Suðurnesja, dags. 26. júní 2018.

Þar kemur fram að í Heilbrigðisnefnd Suðurnesja skulu eiga sæti sex fulltrúar og hefur nefndin hingað til verið skipuð einum fulltrúa frá hverju sveitarfélagi ásamt fulltrúa frá samtökum atvinnurekenda.

Eftir síðustu sveitarstjórnarkosningar eru fjögur sveitarfélög á Suðurnesjum og er því einum nefndarmanni óráðstafað. Til þess að heilbrigðisnefndin verði starfhæf verða sveitarfélögin að koma sér saman um hvaða sveitarfélag fái tvo fulltrúa í nefndinni.

Bæjarráð leggur til að málið fái umfjöllun hjá SSS.

Lögð fram beiðni frá Golfklúbbi Grindavíkur um liðsinni bæjaryfirvalda vegna leigugreiðslna og eldri skulda við leigusala.

Bæjarráð óskar eftir frekari gögnum fyrir næsta bæjarráðsfund.

Kjósa þarf varaformenn í fastanefndir bæjarins.

Tillaga

Frístunda- og menningarnefnd

Varaformaður: Garðar Alfreðsson

Fræðslunefnd

Varaformaður: Sigurður Óli Þórleifsson

Félagsmálanefnd

Varaformaður: Valgerður Jennýjardóttir

Skipulagsnefnd

Varaformaður: Ólafur Már Guðmundsson

Umhverfis- og ferðamálanefnd

Varaformaður: Klara Bjarnadóttir

Hafnarstjórn

Varaformaður: Gunnar Harðarson

Bæjarráð samþykktir tillöguna samhljóða og vísar henni til staðfestingar í bæjarstjórn.

Tilnefna þarf þrjá til fimm fulltrúa Grindavíkurbæjar í vinarbæjarheimsókn til Piteå 16. - 20. ágúst. Bæirnir hafa verið vinarbæir í 40 ár og vilja þeir fá okkur í heimsókn til að halda uppá tímamótin og styrkja samstarfið.

Bæjarráð felur bæjarstjóra að taka saman lista.

Ungmennaráð fékk úthlutað styrk frá Erasmus sem getur orðið mest 25.235 EUR eða um 3.1 milljón fyrir ráðstefnu Ungmennaráðs um ungt fólk og umferðaröryggi. Gert er ráð fyrir að ráðstefnan verði haldin seint í september eða byrjun október og undirbúningsvinna hefst strax í lok júlí.

Óskað er eftir viðauka við fjárhagsáætlun 2018, á deild 06014 Ungmennaráð sem skiptist þannig: Hækkun tekna um 3.100.000 kr. og hækkun gjalda um 3.100.000 kr.

Bæjarráð lýsir yfir ánægju sinni yfir frumkvæði ungmennaráðs.

Bæjarráð samþykkir viðaukann á deild 06014 Ungmennaráð.

Beiðni frá knattspyrnudeild um að fá að vera með í undirbúningsferli vegna viðbyggingar við Hóp og stúku er lagt fram.

Bæjarráð tekur vel í erindið.

Fundargerð 861. fundar, dags. 29. júní sl. lögð fram til kynningar.

Fundargerð 493. fundar, dags. 21. júní sl. lögð fram til kynningar.

Fundargerð 42. fundar, dags. 2. júlí sl., er lögð fram til kynningar.

Fundargerð 92. fundar, dags. 28. júní sl., er lögð fram til kynningar.

Fundargerð 459. fundar, dags. 4. júlí sl., er lögð fram til kynningar.