Bæjarráð Grindavíkur - 1375. fundur

Þorsteinn Gunnarsson sviðsstjóri frístunda-og menningarsviðs og Ármann Halldórsson sviðsstjóri skipulags- og umhverfissviðs fóru yfir minnisblað með útfærslu og forgangsröðun framkvæmda á grundvelli tillögu H.

Bæjarráð óskar eftir upplýsingum um rekstrarkostnað mannvirkisins miðað við þessa útfærslu.

Þorsteinn Gunnarsson sviðsstjóri frístunda-og menningarsviðs kynnti drög að samstarfssamningi við Norræna félagið í Grindavík.

Bæjarráð samþykkir drög að samsstarfssamningi og vísar til staðfestingar bæjarstjórnar.

Golfklúbbur Grindavíkur og Bláa Lónið hf. óska eftir aðkomu Grindavíkurbæjar að samstarfi um að gera Húsatóftavöll enn betri, með það að markmiði að hann verði í fremstu röð 18 holu golfvalla á Íslandi og að rekstur hans og uppbyging verði sjálfbær.

Bæjarstjóri kynnti drög að viljayfirlýsingu um samstarfið. Bæjarráð felur bæjarstjóra að vinna málið áfram í samstarfi við Golfklúbb Grindavíkur og Bláa Lónið.

Knattspyrnudeild UMFG óskar eftir framlengingu á samningi um félagsaðstöðu í Gula húsinu og umsýslu með með tilteknum eignum Grindavíkurbæjar á íþróttasvæðinu.

Bæjarráð samþykkir að framlengja samninginn til 30. september og leggur til við bæjarstjórn að samþykktur verði viðauki við fjárhagsáætlun ársins 2015 að fjárhæð 1.800.000 kr. sem komi til lækkunar á handbæru fé.

Bæjarráð vísar samþykktinni til umfjöllunar í skipulagsnefnd með áorðnum breytingum.

Bæjarráð vísar samþykktinni til umfjöllunar í skipulagsnefnd með áorðnum breytingum.

Jón Þórisson sviðsstjóri fjármála- og stjórnsýslusviðs kynnti Innkaupareglur Grindavíkurbæjar, en skv. 23. gr. reglnanna skal endurskoða fjárhæðir í reglunum ár hvert.

Bæjarráð leggur til að fjárhæðir vegna verklegra framkvæmda í 4. gr. hækki í 15 milljónir kr. og viðmiðunarfjárhæðir í 13. gr. hækki í 2 milljónir kr. Jafnframt leggur bæjarráð til að ákvæði 23. gr. verði breytt þannig að fjárhæðir skuli endurskoða í upphafi hvers kjörtímabils.

Bæjarstjóri kynnti minnisblað um leigufjárhæðir íbúða í Víðihlíð.

Lionsklúbbur Grindavíkur óskar eftir niðurfellingu á leigu húsnæðis og búnaðar vegna Kútmagakvölds þann 13. mars 2015.

Bæjarráð samþykkir að fella niður leigu á húsnæðinu og 50% afslátt af leigu á búnaði.

Ljósmál ehf. óskar eftir styrk til gerðar heimildarmyndar um sögu vita á Íslandi.

Bæjarráð getur ekki orðið við erindinu.

Umsögn Sambands íslenskra sveitarfélaga um frumvarpið lögð fram.

Bæjarráð tekur undir umsögn sambandsins og leggur áherslu á að almenningssamgöngur eru mikilvægur þáttur í samgöngumálum í landinu. Bæjarráð leggur áherslu á að ekki verði heimilt að taka hagkvæmar leiðir út úr leiðakerfi á viðkomandi svæði, standi kerfið ekki undir sér.