Bæjarráð Grindavíkur - 1310. fundur

Framhald frá síðasta fundi.

Kristinn Reimarsson sviðsstjóri frístunda- og menningarsviðs kom á fundinn og gerði grein fyrir niðurstöðum jarðvegskönnunar á sundlaugarsvæðinu.

Bæjarráð felur byggingarnefnd íþróttamannvirkja að vinna frumdrög að hönnun sundlaugarsvæðis með innilaug og huga að tengingu þess svæðis við hönnun 2.áfanga

Kristinn Reimarsson sviðsstjóri frístunda- og menningarsviðs tók þátt í afgreiðslu málsins.

Frístunda- og menningarnefnd leggur til að gerður verði viðauki við samning Grindavíkurbæjar og Golfklúbbs Grindavíkur á sama grunni og gerður var vegna unlingastarfs innan UMFG.

Bæjarráð samþykkir tillögu frístunda- og menningarnefndar og felur sviðsstjóra frístunda- og menningarsviðs að vinna að samningi við GG og leggja fyrir bæjarráð til endanlegrar afgreiðslu.

Kristinn Reimarsson sviðsstjóri frístunda- og menningarsviðs fór yfir þá vinnu sem Hallur Jón Gunnarsson og Einar Lár unnu fyrir Grindavíkurbæ við flokkun og skráningu allra minja sem vistaðar voru í áhaldahúsinu.

Bæjarráð þakkar þeim félögum kærlega fyrir framtakið og óeigingjarnt starf í þágu menningar í Grindavík.

Bæjarráð felur frístunda- og menningarnefnd að fá sérfróðan aðila til að meta gildi þeirra muna sem skráðir hafa verið og leggja fram tillögur um varðveislu. Auk þess ef nefndinni falið að hefja vinna við gerð menningarstefnu fyrir Grindavík.

Jón Þórisson sviðsstjóri fjármála- og stjórnsýsluviðs fór yfir minnisblað hans og slökkvistjóra varðandi mögulega yfirtöku Grindavíkurbæjar á sjúkraflutningum.

Ljóst er að það fjármagn sem á að fylgja verkefninu frá Heilbrigðisstofnun Suðurnesja mun ekki duga til að reka verkefnið í samræmi við kröfur Sjúkratrygginga Íslands til sjúkraflutninga.

Bæjarráð telur að Grindavíkurbær geti sinnt þjónustunni með betri hætti en HSS ef rétt fjármagn fylgir með verkefninu.

Tilboð hafa verið opnuð í verkið “ Skólpdælubrunnur við Seljabót - Jarðvinna ” en tilboð voru opnuð föstudaginn 1. febrúar 2013. Tvö tilboð bárust og var Grindverk ehf lægstbjóðandi með tilboð sem er 57% af kostnaðaráætlun, eða kr. 2.819.500.

Byggingafulltrúi leggur til að gengið verði til samninga við lægstbjóðanda.

Bæjarráð felur bæjarstjóra að undirrita verksamning við lægstbjóðanda og leggja fyrir bæjarstjórn til staðfestingar.

Lögð er fram tillaga að útboðsgögnum vegna endurnýjunar gatnalýsingar við Heiðarhraun, Hvassahraun og Skólabraut unnin af Eflu og Verkís í desember 2012.

Innifalið í kostnaðaráætlun er breyting á götumynd Heiðarhrauns og Hvassahrauns þar sem göturnar verða þrengdar til þess að hægja á umferðarhraða og auka öryggi gangandi vegfarenda. Umfang verksins hefur því aukist töluvert frá fyrstu hugmyndin. Skipulags- og umhverfisnefnd hefur yfirfarið hönnunargögn og umfang verksins.

Sviðsstjóri skipulags- og umhverfissviðs óskar eftir því að fjármagn sem áætlað var til endurnýjunar gatnalýsingar á árinu 2014 verði flutt yfir á árið 2013 svo hægt sé að mæta framkvæmdakostnaði.

Bæjarráð samþykkir tillöguna og leggur til við bæjarstjórn að samþykktur verði viðauki við fjárhagsáætlun ársins 2013 að fjárhæð 10.000.000 kr og á móti lækki fjárfestinga

Fyrirspurn um lóð vegna fyrirhugaðs rekstur á húsdýragarði lögð fram.

Erindinu er vísað til umfjöllunar í skipulags- og umhverfisnefnd.

Tilkynning um að Grindavíkurbær hafi fengið eina og hálfa milljón króna í styrk úr Framkvæmdasjóði ferðamannastaða fyrir bætt aðgengi að minjum í Húshólma í Ögmundarhrauni lögð fram.

Sumarið 2011 var unnið að tillögugerð varðandi bætt aðgengi að minjunum í samstarfi við Fornleifavernd ríkisins. Sú vinna mun nýtast mun við framkvæmdina.

Bæjarráð felur sviðsstjóra skipulags- og umhverfissviðs að gera framkvæmda-og kostnaðaráætlun fyrir verkefnið með það að markmiði að það komist til framkvæmda í sumar.

Heildaryfirlit yfir álagningu fasteignaskatts fyrir árið 2013 er lagt fram. Álagningin er 4.915.67 kr lægri en fjárhagsáætlun ársins 2013 gerir ráð fyrir.

Bæjarráð leggur til við bæjarstjórn að samþykktur verð viðauki við fjárhagsáætlun ársins 2013 vegna lækkunar tekna af fasteignaskatti að fjárhæð 4.915.67 kr. Breytingin komi til lækkunar á handbæru fé.

Ársreikningur Sambands orkusveitarfélaga fyrir árið 2012 er lagður fram.

Ársreikningur Samtaka sjávarútvegssveitarfélaga fyrir árið 2012 er lagður fram.

Minnisblað bæjarstjóra um farsímamál hjá Grindavíkurbæ lagt fram ásamt tillögu að reglum um notkun og greiðslur á símakostnaði fyrir starfsmenn og kjörna fulltrúa Grindavíkurbæjar.

Bæjarráð felur bæjarstjóra að endurskoða reglurnar með hliðsjón af umræðu á fundinum og vísar þeim til afgreiðslu bæjarstjórnar.

Minnisblað frá atvinnuveganefnd alþingis vegna frumvarps til laga um stjórn fiskveiða (570. mál) lagt fram.

Í minnisblaðinu kemur fram upptalning á þeim þáttum frumvarpsins sem fela í sér breytingar frá ákvæðum frumvarps sem var lagt fram á síðasta þingi.

Í tölvupósti sem fylgdi minnisblaðinu er fyrir hönd Lilju Rafneyjar Magnúsdóttur, 1. varaformanns atvinnuveganefndar vakin athygli á því að samkvæmt starfsáætlun Alþingis sé gert ráð fyrir að 141. löggjafarþingi ljúki 15. mars nk. Í ljósi þess muni atvinnuveganefnd gefast skammur tími til þess að fjalla um málið og er Grindavíkurbær því beðinn um að vera viðbúinn að taka við umsagnarbeiðni með mjög skömmum fyrirvara.

Bæjarráð Grindavíkurbæjar mótmælir þessum vinnubrögðum og krefst þess að alþingi gefi sér góðan tíma til umfjöllunar um þetta stóra mál og veiti eðlilegan umsagnarfrest.

Fundargerðirnar eru lagðar fram.

Bæjarstjóri gerir grein fyrir tilboði um greiningu á efnahagslegum áhrifum sjávarútvegs í Grindavík. Fyrirmynd er sótt til sambærilegrar greiningar sem Vestamannaeyjabær hefur framkvæmt. Greiningin yrði unnin í samráði við Samtök sjávarútvegssveitarfélaga.

Bæjarráð samþykkir að slík greining fari fram og felur bæjarstjóra að ganga til samninga við Hrafn Sævaldsson ráðgjafa og leggja fyrir bæjarstjórn til samþykktar ásamt viðauka við fjárhagsáætlun ársins 2013.

Minnisblað bæjarstjóra með tillögu um að Grindavíkurbæjar sendi fulltrúa til Piteå, vinabæjar Grindavíkur í Svíþjóð dagana 26.-30. júní. Á sama tíma verður 3. flokk kvenna í knattspyrnu á Piteå Summergames.

Markmið heimsóknarinnar væri að endurgjalda heimsókn bæjarstjóra Piteå til Grindavíkur í ágúst og byggja ofan á þau góðu samskipti sem þá fóru fram.

Bæjarráð samþykkir tillöguna og felur bæjarstjóra útfærslu verkefnisins.

Bæjarstjóri og sviðsstjóri skipulags- og umhverfissviðs mættu á fund hjá sýslumanni 31. janúar síðastliðinn ásamt fulltrúum Reykjanesbæjar og fulltrúum landeigenda Staðar, Merkiness og Kalmanstjarnar.

Á fundinum gerði bæjarstjóri grein fyrir sjónarmiðum Grindavíkurbæjar, sbr. minnisblað dags. 14. janúar sem lagt var fyrir bæjarráð 17. janúar 2013.

Bæjarstjóri leggur til að í bygginganefnd húsnæðis fyrir bókasafn og tónlistarskóla verði eftirfarandi.

Margrét Gísladóttir, Inga Þórðardóttir, Halldóra K. Magnúsdóttir, Daníel Júlíusson og Róbert Ragnarsson. Verkefnisstjóri verði Ingvar Gunnlaugsson sviðsstjóri skipulags- og umhverfissviðs.

Bæjarráð samþykkir tillöguna og felur bæjarstjóra að boða til fyrsta fundar.

Ábendingar frá Starfsmannadeginum 2012 lagðar fram og gerði bæjarstjóri grein fyrir þeim verkefnum sem unnið hefur verið að.

Sviðsstjórar og forstöðumenn hafa ábendingarnar nú til umfjöllunar.

Tillögur fagráðs íslenska jarðvarmaklasans um næstu skref Iceland Geothermal klasasamstarfsins lagðar fram.

Minnisblað Landslaga fyrir Grindavíkurbæ um umferðarrétt akandi umferðar um stíga og slóða lagt fram.

Bæjarráð vísar minnisblaðinu til skipulags- og umhverfisnefndar til umfjöllunar og felur upplýsinga- og þróunarfulltrúa að birta minnisblaðið á vef Grindavíkurbæjar.

Slökkvistjóri óskar eftir viðauka við fjárhagsáætlun ársins 2013 að fjárhæð 350.000 kr. vegna bifreiðakostnaðar.

Bæjarráð samþykkir tillöguna og leggur til við bæjarstjórn að samþykktur verði viðauki við fjárhagsáætlun ársins 2013 sem kemur til lækkunar á handbæru fé.