Bæjarráð Grindavíkur - 1495. fundur

Fulltrúar björgunarsveitarinnar mættu á fundinn.

Björgunarsveitin hefur óskað eftir viðræðum um nýjan samning um ýmsa þjónustu og aðstoð sem sveitin hefur innt af hendi.

Bæjarráð tekur vel í erindið og mun Björgunarsveitin gera uppkast að nýjum samningi.

Sviðstjóri félagsþjónustu- og fræðslusviðs, nýráðinn sviðsstjóri skipulags- og umhverfissviðs og fráfarandi sviðsstjóri skipulags- og umhverfissviðs sátu fundinn undir þessum dagskrárlið.

Erindisbréf byggingarnefndar grunnskóla lagt fram til samþykktar.

Bæjarráð samþykkir samhljóða erindisbréfið.

Sviðstjóri félagsþjónustu- og fræðslusviðs, nýráðinn sviðsstjóri skipulags- og umhverfissviðs og fráfarandi sviðsstjóri skipulags- og umhverfissviðs sátu fundinn undir þessum dagskrárlið.

Erindisbréf byggingarnefndar leikskóla lagt fram til samþykktar.

Bæjarráð samþykkir samhljóða erindisbréfið.

Sviðsstjóri skipulags- og umhverfissviðs fór yfir stöðuna á framkvæmdinni við Gerðavelli 17. Ljóst er að framkvæmdin mun fara fram úr þeim kostnaðaráætlunum sem lagðar voru fram í upphafi.

Sviðsstjóri skipulags- og umhverfissviðs óskar eftir 35,5 mkr. viðauka vegna 5 km. vatnslagnar sem lögð yrði samhliða ljósleiðara.

Bæjarráð leggur til við bæjarstjórn að samþykkja viðauka við fjárhagsáætlun 2018 að fjárhæð 35,5 milljónir sem fjármagnaðar verði með ónýttri fjárheimild annarra framkvæmda.

Sviðsstjóri skipulags- og umhverfissviðs óskar eftir viðauka vegna hundagerðis upp á 4 mkr.

Bæjarráð vísar málinu til umræðu í gerð fjárhagsáætlunar fyrir árið 2019.

Lögð fram tillaga að auglýsingu vegna byggingarfulltrúa fyrir Grindavíkurbæ.

Bæjarráð samþykkir auglýsinguna og felur sviðsstjóra skipulags- og umhverfissviðs að auglýsa starfið.

Lagt fram kauptilboð í útistofurnar að fjárhæð 3,6 milljónir.

Bæjarráð samþykkir tilboðið.

Frístunda- og menningarnefnd fór á fundi sínum, nr. 76 yfir samantekt sviðsstjóra. Nefndin er sammála um að staðsetning hreystigarðs sé óheppileg í Kúadal. Hreystigarður myndi nýtast betur nær íþróttasvæðinu. Nefndin fagnar hugmyndinni um hreystigarð sem er aðgengilegur öllum en sú útfærsla sem nefnd er í tillögunni er kostnaðarsöm og nefndin setur spurningarmerki við hvort tækin henti börnum jafnt sem fullorðnum.

Bæjarráð vísar málinu til umræðu í gerð fjárhagsáætlunar fyrir árið 2019.

Fylgiskjöl

• Hreystigarður_Samantekt sviðsstjóra_2018.pdf

Frístunda- og menningarnefnd fór yfir erindi frá Ólafi Ragnari á fundi nr. 76. Erindinu vísað til bæjarráðs. Nefndin samþykkir að skrifað sé undir viljayfirlýsingu. Viljayfirlýsingin snýr að hýsingu á líkaninu og stingur nefndin uppá að líkanið gæti verið í opnu rými t.d. á bókasafninu eða á annarri hæð á Víkurbraut 62 fyrir framan afgreiðslu bæjarskrifstofu.

Bæjarráð samþykkir erindið að því gefnu að fyrir liggi full fjármögnun.

Lagt fram.

Bæjarráð samþykkir samhljóða að falla frá forkaupsrétti.