Bæjarráð Grindavíkur - 1368. fundur

Nökkvi Már Jónsson sviðsstjóri félagsþjónustu-og fræðslusviðs og Þorsteinn Gunnarsson sviðsstjóri frístunda-og menningarsviðs kynntu verkefnið Foreldrafærni.

Nökkvi Már Jónsson sviðsstjóri félagsþjónustu-og fræðslusviðs sat þennan dagskrárlið. Framhald frá síðasta fundi.

Bæjarstjóri lagði fram drög að ósk Grindavíkurbæjar um undanþágu frá ákvæðum 2. mgr. 4. gr. laga nr. 59/1992 um lágmarksíbúafjölda á þjónustusvæði málefna fatlaðs fólks.

Bæjarráð felur bæjarstjóra að senda umsóknina til félagsmálaráðuneytisins.

Frístunda- og menningarnefnd leggur til við bæjarstjórn að ungmennaráð fái áheyrnarfulltrúa í frístunda- og menningarnefndina varðandi þau mál sem snúa að ungmennum. Fulltrúinn hafi málfrelsi og tillögurétt en fái ekki greitt fyrir fundina, líkt og áheyrnarfulltrúi UMFG í nefndinni.

Bæjarráð leggur til við bæjarstjórn að tillagan verði samþykkt.

Fundargerðir funda nr. 1 og 2 lagðar fram.

Drög að erindisbréfi nýrrar Umhverfis-og ferðamálanefndar lagt fram.

Bæjarráð vísar erindisbréfinu til umfjöllunar í bæjarstjórn með áorðnum breytingum.

Minnisblað sviðsstjóra fjármála-og stjórnsýslusviðs um áhrif nýrra kjarasamninga á fjárhagsáætlun ársins 2014 lagt fram.

Heildaráhrifin eru til hækkunnar launa-og launatengdra gjalda að fjárhæð 38,7 milljónir kr.

Bæjarráð leggur til við bæjarstjórn að samþykktur verði viðauki við fjárhagsáætlun ársins 2014 að fjárhæð 38,7 milljónir kr. sem komi til lækkunar á handbæru fé. Fjárhæðir deilast niður á deildir í samræmi við minnisblað sviðsstjóra.

Framhald frá fundur 1354, en þá var úrskurður Óbyggðanefndar í máli nr. S-1/2011 um sveitarfélagamörk til norðausturs lagður fram.

Nefndin hafnaði kröfum Grindavíkur um að mörk sveitarfélagsins næðu til Stóra-Kóngsfells og staðfesti sveitarfélagamörk til norð-austurs í skurðarpunktinum við dæmd norðurmörk Krýsuvíkur.

Lögmenn Grindavíkurbæjar hafa yfirfarið forsendur úrskurðarins og leggja ekki til að málinu verði framhaldið, nema aðrir málsaðilar hyggist gera það.

Bæjarráð vísar málinu til umfjöllunar í bæjarstjórn.

Sóknarnefnd Grindavíkurkirkju óskar eftir 550.000 kr. árlegum styrk til barnakórs kirkjunnar.

Bæjarráð tekur jákvætt í erindið og vísar því til frístunda-og menningarnefndar til umsagnar, þar sem fram komi hvort Grindavíkurbær eigi að bæta við árlegum styrk til barnakórs við gildandi samstarfssamning við sóknarnefnd um æskulýðsstarf Grindavíkurkirkju.

Framhald frá fundi 1361 þar sem bæjarráð samþykkti beiðni Reykjanesbæjar, Sv. Garðs og Sv. Voga frá 9. september um að hefja viðræður um stofnun byggðasamlags um Brunavarnir Suðurnesja.

Bæjarstjóri gerði grein fyrir því að viðræður við eignaraðila að Brunavörnum Suðurnesja hafi í raun aldrei hafist, þar sem uppgjör á eldra rekstrarfélagi Brunvarna Suðurnesja hefur tekið lengri tíma en áætlað var.

Formaður bæjarráðs leggur til að Grindavíkurbær dragi sig út úr fyrirhuguðum viðræðum.

Samþykkt samhljóða.

Framhald frá síðasta fundi.

Að mati bæjarráðs er sanngirnismál að hið sama gildi um leigjendur sem leigja herbergi á markaði og þá sem leigja herbergi á heimavist eða námsgörðum. Bæjarráð leggur jafnframt áherslu á að meta þurfi kostnað sveitarfélaga verði breytingin samþykkt og að hann verði bættur að fullu.

Skólastjóri Tónlistarskóla Grindavíkur óskar eftir heimild til að endurgreiða hluta tónlistarskólagjalda vegna verkfalls tónlistarkennara. Lagt er til að endurgreidd verði 27,43% af skólagjöldum haustannar í hlutfalli við verkfallstímann, sem leiðir til lækkunar á tekjum skólans að fjárhæð 505 þús. kr.

Bæjarráð samþykkir tillögu skólastjóra.