Bæjarráð Grindavíkur - 1473. fundur

Málinu er frestað til næsta fundar og bæjarráð óskar eftir að fá forsvarsmenn knattspyrnudeildar á þann fund.

Bæjarráð telur að kvöð um umferð og sjóvarnargarð komi skýrt fram í þinglýstu stofnskjali lóðar og hafnar því erindinu.

Lögð fram beiðni um viðauka við fjárhagsáætlun 2018, vegna rekstrar sambýlis við Túngötu, deild 02561, að fjárhæð 110.000 kr.

Bæjarráð leggur til við bæjarstjórn að samþykkja viðauka við fjárhagsáætlun 2018 á deild 02561 að fjárhæð 110.000 kr. sem fjármagnaður verði með lækkun á handbæru fé.

Óskað er eftir umsögn vegna umsóknar um rekstrarleyfi á Stamphólsvegi 2. Fyrir liggja yfirlýsingar frá Slökkviliði Grindavíkur, byggingarfulltrúa Grindavíkur og Heilbrigðiseftirliti Suðurnesja.

Bæjarráð mælir með veitingu leyfisins.

Bæjarráð fagnar þeim hugmyndum um að settar verði hraðamyndavélar á Grindavíkurveg, en mótmælir harðlega þeim áformum, að taka 40 milljónir af þegar samþykktu fé til endurbóta á Grindavíkurvegi, til að setja upp þessar myndavélar.

Lagt fram bréf frá Sambandi íslenskra sveitarfélaga, dags. 28. febrúar sl.

Bæjarráð vísar málinu til kynningar í Skipulagsnefnd þrátt fyrir að umsagnarfrestur renni út þann 8. mars nk.