Bæjarráð Grindavíkur - 1414. fundur

Sigurður Kristmundsson, hafnarstjóri, kom á fundinn og fór yfir málið og svaraði fyrirspurnum.

Hafnarstjórn leggur til að Siglingasvið Vegagerðarinnar hefji vinnu við útboðsgögn vegna uppbyggingu Miðgarðs. Hafnarstjórn leggur til að undirbúningshópur um uppbyggingu Miðgarðs og Siglingasvið Vegagerðarinnar fundi sem fyrst um tilhögun verksins.

Bæjarráð samþykkir samhljóða að fela Siglingasviði vegagerðarinnar að hefja vinnu við útboðsgögn vegna uppbyggingar Miðgarðs. Jafnframt samþykkir bæjarráð samhljóða að Grindvíkurbær láni ríkissjóði fyrir því sem á vantar á fjárveitingar samgönguáætlunar en það eru um 166 milljónir króna. Gert er ráð fyrir að það lán muni endurgreiðast ekki síðar en 2018.

Skipulagsnefnd tók fyrir óverulega breyting á deiliskipulagi skv. 2. mgr. 43. gr. skipulagslaga nr. 123/2010 norðursvæðis sunnan Hópsbrautar. Breytingin felur í sér að bætt er við í texta að á suðurhlið húsa við Miðhóp 10-16 er leyfilegt að reisa sólskála um allt að 3 metra út fyrir byggingarreit á uppdrætti. Breytingin er unnin af Eflu verkfræðistofu dagsett 16.06.2016.

Skipulagsnefnd leggur til við bæjarráð að tillagan verið samþykkt skv. 2 mgr. 43. gr. skipulagslaga nr. 123/2010, einnig að tillagan verið samþykkt skv. 3. mgr. 43. gr. sömu laga enda er um óverulegt frávik er að ræða og að hagsmunir nágranna skerðist í engu hvað varðar landnotkun, útsýni, skuggavarp eða innsýn.

Bæjarráð samþykkir samhljóða tillögu skipulagsnefndar.

Skipulagsnefnd tók fyrir breytingu á deiliskipulagi norðan Hópsbrautar, Tillaga að breytingum er að lóðir við Norðurhóp 1-3-5 og 7-9-11 verða 1-3A-3B-5 og 7-9A-9B og 11 og verða fjórbýli í stað þríbýlis.

Skipulagsnefnd leggur til við bæjarráð að tillagan verið samþykkt skv. 2. mgr. 43. gr. skipulagslaga nr. 123/2010, einnig að tillagan verið samþykkt skv. 3. mgr. 43. gr. sömu laga enda er um óverulegt frávik er að ræða og að hagsmunir nágranna skerðist í engu hvað varðar landnotkun, útsýni, skuggavarp eða innsýn.

Bæjarráð samþykkir samhljóða tillögu skipulagsnefndar.

Skipulagsnefnd tók fyrir óverulega breytingu á deiliskipulagi skv. 2. mgr. 43. gr. skipulagslaga nr. 123/2010 vegna Bakkalág 15. Tillaga að breytingu er að byggingarreitur við suðurhlið Bakkalág 15 stækkar. Breytingin er unnin af Eflu verkfræðistofu dagsett 23.06.2016

Skipulagsnefnd leggur til við bæjarráð að tillagan samþykkt skv. 2 mgr. 43. gr. skipulagslaga nr. 123/2010, einnig að tillagan verið samþykkt skv. 3. mgr. 43. gr. sömu laga enda er um óverulegt frávik er að ræða og að hagsmunir nágranna skerðist í engu hvað varðar landnotkun, útsýni, skuggavarp eða innsýn.

Bæjarráð samþykkir samhljóða tillögu skipulagsnefndar.

Skipulagsnefnd tók fyrir erindi frá Stakkavík ehf. kt. 480388-1519. Í erindinu er óskað eftir byggingarleyfi fyrir viðbyggingu við suðurhlið Bakkalág 15. Erindinu fylgja teikningar unnar af Verkfræðistofu Suðurnesja dagsett 03.04.2009.

Skipulagsnefnd leggur til við bæjarráð að byggingaráformin verði samþykkt með fyrirvara um staðfesta breytingu á deiliskipulagi. Byggingarleyfi eru gefin út af byggingarfulltrúa þegar fullnægjandi hönnunargögn hafa borist.

Bæjarráð samþykkir samhljóða tillögu skipulagsnefndar.

Skipulagsnefnd tók fyrir erindi frá MAR Guesthouse ehf. kt. 681197-2499. Í erindinu er óskað eftir byggingarleyfi fyrir viðbyggingu með 19 herbergjum við austurhlið Hafnargötu 28. Breytingin er unnin af Eflu verkfræðistofu dagsett 23.06.2016.

Skipulagsnefnd leggur til við bæjarráð að tillagan samþykkt skv. 2 mgr. 43. gr. skipulagslaga nr. 123/2010, einnig að tillagan verið samþykkt skv. 3. mgr. 43. gr. sömu laga enda er um óverulegt frávik er að ræða og að hagsmunir nágranna skerðist í engu hvað varðar landnotkun, útsýni, skuggavarp eða innsýn.

Bæjarráð samþykkir samhljóða tillögu skipulagsnefndar.

Skipulagsnefnd tók fyrir erindi frá MAR Guesthouse ehf. kt. 681197-2499. Í erindinu er óskað eftir byggingarleyfi fyrir viðbyggingu með 19 herbergjum við austurhlið Hafnargötu 28. Erindinu fylgja teikningar unnar af Glóru ehf. dags. 12.04.2016.

Skipulagsnefnd leggur til við bæjarráð að byggingaráformin verði samþykkt með fyrirvara um staðfesta breytingu á deiliskipulagi, byggingarleyfi eru gefin út af byggingarfulltrúa þegar fullnægjandi hönnunargögn hafa borist. Skipulagsnefnd ítrekar að ekki sé leyfilegt að hafa bílastæði við Hópsveg.

Bæjarráð samþykkir samhljóða tillögu skipulagsnefndar.

Erindi frá Grindinni ehf. kt. 610192-2389. Í erindinu er óskað eftir byggingarleyfi fyrir 23. íbúða fjölbýlishúsi við Stamphólsveg 5. Erindinu fylgja teikningar unnar af JeEs arkitektum dagsettar 01.05.2016.

Skipulagsnefnd leggur til við bæjarstjórn að byggingaráformin verði samþykkt og byggingarleyfi gefið út af byggingarfulltrúa þegar fullnægjandi hönnunargögn hafa borist.

Bæjarráð samþykkir samhljóða tillögu skipulagsnefndar.

Bréf frá Þjóðskrá Íslands varðandi fasteignamat næsta árs lagt fram.

Þar kemur fram að fasteignamat í Grindavík er að hækka um 4,6% á milli ára.

Lagt fram.

Bæjarráð tekur jákvætt í erindið og vísar því til umhverfis- og ferðamálanefndar til afgreiðslu.

Fundargerðir 26. og 27. fundar lagðar fram til kynningar.

Fundargerð 841. fundar lögð fram til kynningar.