Afgreiðslunefnd byggingar- og skipulagsmála - 97. fundur

Grindavíkurbær sækir f.h. Thorfish ehf. um byggingarleyfi til niðurrifs á Víkurbraut 30 (Gnúpur), fasteignarnr. F2092528, matshluti 01.

Umsókn um byggingaráform vegna niðurrif á Víkurbraut 30 (Gnúpur), F2092528, matshluti 01 - íbúðarhús, er samþykkt.

Fara þarf í öllu eftir ákvæðum um niðurrif úr lögum um mannvirki nr. 160/2010 og byggingarreglugerð nr. 112/2012.

Grindavíkurbær sækir f.h. Fasteignafélagsins Þórkötlu hf. um byggingarleyfi til niðurrifs á Víkurhópi 20, fasteignarnr. F2500883. Um er að ræða endahús í raðhúsinu Víkurhóp 16-20. Eignirnar Víkurbraut 16 og 18 standa áfram en verða parhús.

Umsókn um byggingaráform vegna niðurrifs á Víkurhópi 20, fasteignarnr. F2500883, er samþykkt.

Fara þarf í öllu eftir ákvæðum um niðurrif úr lögum um mannvirki nr. 160/2010 og byggingarreglugerð nr. 112/2012.

Grindavíkurbær sækir um byggingarleyfi til niðurrifs á viðbyggingu við Salthúsið, Stamphólsvegi 2, fasteignarnr. F. 2253282, matshlutar 02 og 03.

Umsókn um byggingaráform vegna niðurrifs á viðbyggingu við Salthúsið, Fastnr. F2253282, er samþykkt.

Fara þarf í öllu eftir ákvæðum um niðurrif úr lögum um mannvirki nr. 160/2010 og byggingarreglugerð nr. 112/2012.

Grindavíkurbær sækir um byggingarleyfi til niðurrifs f.h. eigenda fjöleignarhússins Víkurbraut 50, fasteignarnr. F2092554, F2092555 og F2092556, allir matshlutar.

Umsókn um byggingaráform vegna niðurrifs á Víkurbraut 50, Fastnr. F2092554, F2092555 og F2092556, allir matshlutar, er samþykkt.

Fara þarf í öllu eftir ákvæðum um niðurrif úr lögum um mannvirki nr. 160/2010 og byggingarreglugerð nr. 112/2012.

Sótt er um byggingarleyfi til framkvæmda á neðstu hæð á Sjónarhóli.

Innviðanefnd fjallaði um málið á 17. fundi sem haldinn var 12. maí 2026 vegna umsóknar um rekstrarleyfi í húsinu. Innviðanefnd telur að ekki séu til staðar grenndarhagsmunir vegna fyrirspurnar og gerir nefndin ekki athugasemdir við að á Sjónarhóli verði heimiluð gisting í flokki II, tegund C. Nefndin leggur áherslu á að á teikningum til byggingarfulltrúa verði gert skilmerkilega grein fyrir bílastæðum, brunakröfum o.fl.

Byggingaráformin eru samþykkt. Byggingarfulltrúi mun gefa út byggingarleyfi þegar öllum gögnum hefur verið skilað.

HP Fasteignir ehf. hefur tilkynnt um áform um að klæða atvinnuhúsnæði að Verbraut 3 að utanverðu, sbr. framlagða teikningu frá Verkfræðistofu Suðurnesja dags. 5. maí 2026.

Framlögð gögn uppfylla kröfur byggingarreglugerðar, sbr. gr. 2.3.5 og 2.3.6 um tilkynntar framkvæmdir.

Enok Hólm Fanndal hefur tilkynnt um áform um að setja upp heitan og kaldan pott á palli við Suðurhóp 8.

Byggingarfulltrúi staðfestir móttöku tilkynningar.