Samstarf við bókasöfnin í Reykjanesbæ, Sandgerði og Vogum
Bókasafn Reykjanesbæjar, Lestrarfélagið Baldur í Vogum og Bókasafn Grindavíkur gerðu með sér samstarfs-samning 1. maí 2007. Bókasafnið í Sandgerði kom inn í samninginn 1. maí 2008.
Með því að greiða árgjald í bókasafni Reykjanesbæjar, Sandgerðis eða í Vogum, mun sama skírteinið gilda í öllum fjórum söfnunum. Lánþegar geta skilað og gert upp á hverju þessara fjögurra safna, óháð hvaðan bækurnar og skuldin eru. Garður kemur svo að öllum líkindum inn í samstarfið um leið og Gegnir hefur verið tekinn þar í notkun.

Safnkostur - lánstími og sektir:
Safnkostur er skráður í landskerfi bókasafna - Gegni - www.gegnir.is  

Lánstími bóka er 30 dagar, nýjar bækur eru lánaðar til skemmri tíma fyrstu vikurnar (10 daga). Sekt fyrir hvern dag umfram leigutíma er kr.10.- á hverja bók.
Hægt er að hafa allt að átta bækur í einu auk nýsigagna (rafræn gögn), sem greiðist fyrir sérstaklega.

Framlengja má lánstíma bóka með því að fara inn á eigið svæði í Gegni og endurnýja sjálfur eða hringja á bókasafnið, en aðeins ef pöntun á þeim liggur ekki fyrir. Aðgangsorð fæst á bókasafninu.

Ferðahandbækur á íslensku og ensku og bækur með gönguleiðum víða um Ísland.

Námsefni Fjölbrautarskóla er lánað skammtímaláni, 15 daga í einu.
Sekt er kr. 10.- á dag á hverja bók.

Ný tímarit fást ekki lánuð út af safninu, en þau eldri eru lánuð í allt að tvær vikur.

Hljóðbækur - bókasafnið á lítið safn hljóðbóka. Blindrabókasafnið sér blindum og sjónskertum einstaklingum fyrir hljóðbókum, en þær eru nú eingöngu á MP-3 diskum. Bæklingur með frekari upplýsingum frá safninu liggur hjá okkur.

Tungumálanámskeið á tölvudiskum - íslenskunámskeið frítt!
Lifandi, skemmtilegt námsefni, leiga kr. 200.- á mánuði. Sekt umfram leigutíma kr.10.- á dag.
Eigum núna til íslensku-, dönsku-, sænsku- ensku-, þýsku, frönsku-, ítölsku, spænsku, rússnesku, pólsku, thaílensku, víetnömsku- námskeið.
Orðabækur og bækur sem kynna tungumál (á ensku) t.d. thailensku, arabísku og pólsku.

Myndbönd fyrir yngstu börnin og bíómyndir fást í 2 sólarhringa ókeypis (gamalt efni), myndir á DVD á 200, sekt kr. 50.- á dag. Stiklur Ómars Ragnarssonar á DVD.
Fræðsluefni um fugla á VHS ókeypis, lánstími 14 daga, sekt kr. 20.- á dag.

Almenningstölva - Internetið gegn greiðslu:
Kr. 100.- fyrir 15 mínútur
Kr. 300.- fyrir eina klukkustund
Prentun úr tölvu kostar 15 kr. blaðið.
Tölva er fyrir leitir á Gegni.is og hægt að nota hana fyrir styttri Net-"heimsóknir".

Sögustundir (október - apríl), er hægt að panta í s: 420-1108 eða með tölvupósti á bokasafn@grindavik.is

Hvað er ég með í útláni?
Eftir að hafa fengið lykilorð frá Bókasafninu er hægt að skrá sig inn á „Mínar síður" á Gegni.
Farið á Gegnir.is. (gegnir.is)
Við innskráningu er kennitalan slegin inn (án bandstriks) í reitinn NÚMER og síðan lykilorðið í reitinn þar fyrir neðan og smella á Innskráning
Velja safnahóp, við tilheyrum Suðurlandi, en hægt er að vera í öðrum safnahópum, t.d. Háskólasöfn eða Sérfræðisöfn.

Á „Mínum síðum" geta viðskiptavinir:

• Séð hvað þeir eru með í láni
• Endurnýjað lán ef enginn biðlisti er á gögnunum
• Til að framlengja láni á myndböndum eða öðrum gjaldskyldum gögnum þarf að hringja í Bókasafnið
• Sett sig á biðlista eftir gögnum sem eru í útláni. Leitið fyrst að bókinni, finnið eintakið og smellið á frátekt
• Skoðað frátektirnar sínar og séð hvar í röðinni þeir eru
• Skoðað fyrri útlán sín (aðeins 100 síðustu útlán sjást)

Við mælum með að lykilorði sé breytt eftir fyrstu innskráningu.

Eftir sem áður er viðskiptavinum velkomið að hringja í Bókasafnið og spyrjast fyrir um stöðu sína eða fá láni framlengt. Síminn er 420 1108