411. fundur Hafnarstjórnar Grindavíkur haldinn Seljabót 2, þriðjudaginn 8. maí 2012 og hófst hann kl. 17:00
Fundinn sátu:
Páll Jóhann Pálsson (PJP), Hilmar E Helgason (HEH), Eiríkur Óli Dagbjartsson (EÓD), Pétur Már Benediktsson (PMB), Bergþóra Gísladóttir (BG), Sigurður A Kristmundsson og Kristinn Jakob Reimarsson.
Fundargerð ritaði: Sigurður A Kristmundsson, Hafnarstjóri
Dagskrá:
1. 1205020 - Styrkbeiðni vegna Sjóarans síkáta
Kristinn Reimarsson sviðsstjóri frístunda- og menningarsviðs kom á fundinn.
Hafnarstjórn telur ekki fært að verða við þessari styrkbeiðni, en leggur til að hafnarstjóri leggi fram aðstoð við skipulagningu á svæðum hátíðarhaldanna.
2. 1110011 - Breikkun innri rennu
Hafnarstjórn samþykkir samning sem Grindavíkurhöfn og Hagtak gera með sér um verkið "Grindavíkurhöfn, dýpkun 2012" en leggur mikla áherslu á fyrirvara í 4. mgr. liðar 1.1 í útboðslýsingu um að ekki hafi verið gengið frá fjármögnun í svæði 1 og 2, og nær samkomulagið því ekki til þeirra svæða.
Hafnarstjórn felur Hafnarstjóra að ræða við Hagtak um frekari framkvæmdir í ljósi þess að ríkið tekur aðeins þátt í fjármögnun breikkunar innsiglingar.
Það er ljóst að kostnaður okkar hækkar mikið þar sem hafnaráð siglingastofnunar hefur hafnað því að taka þátt í svæðum 1 og 2. Það er spurning hvort verktakinn sé tilbúinn að framkvæma verkið að hluta eða öllu leyti fyrir lægri fjárhæð í ljósi þess að hann er kominn á staðinn. Í fja´rfestingaráætlun hafnarinnar eru áætlaðar 9,5 milljónir í yfirlögn malbiks á smábátabryggju. Mögulega er hægt að fresta þeirri framkvæmd og nýta féð í þetta?
3. 1204029 - Áætlun um móttöku og meðhöndlun úrgangs og framleifa frá skipum.
Hafnarstjóra falið að vinna áætlun um úrgangsmál.
Fleira ekki gert. Fundi slitið kl. 19:00