Fundargerð hafnarstjórnar 7.janúar 2010

Fundur 393.


Fimmtudaginn 7.janúar 2010 kom hafnarstjórn Grindavíkur saman til fundar að Miðgarði 4 kl 1700.
Undirritaðir voru mættir þetta gerðist.

1. Breyting á hafnarstjórn
Frá síðasta fundi hefur orðið sú breyting á hafnarstjórn að Guðmundur Sv Ólafsson hefur tekið við af Páli Gíslasyni sem formaður hafnarstjórnar og Jón Emil Halldórsson kemur nýr inn í stað Hilmars Helgasonar, og er hann boðinn velkominn til starfa í hafnarstjórn.

2. Samgönguáætlun. 2009-2012 viðskiptaáætlun hafnarsjóðs.
Á samgönguáætlun er eitt verk sem frestað var á árinu 2009 þ.e. breikkun á innri rennu. Áætlað magn er 25000 rúmmetrar, fleygað og grafið.
Hafnarstjórn beinir því til bæjarstjórnar að farið verði í þessa framkvæmd, og undirbúningur verði hafinn sem allra fyrst svo hægt verði að vinna verkið í sumar.

3. Umræða um stórskipahöfn í Grindavík

Vegna hugsanlegra áforma um byggingu á verksmiðju sem gerir ráð fyrir hafnaraðstöðu fyrir skip allt að 10000 tonn. telur hafnarstjórn nauðsynlegt að skoða í fullri alvöru hvort mögulegt sé, að gera aðstöðu fyrir svona skip.
Núverandi hafnaraðstaða tekur ekki stærri skip en um 4000 tonn og í umsögn frá Siglingastofnun kom fram að tæplega verði hægt að gera breytingar á núverandi höfn
sem tæki stærra skip en 120-130 m sem væri kannske 5-6000 tonna skip, þannig að leita þarf annarra lausna ef hægt á að vera að afgreiða svo stór skip sem talið er að þurfi að komast hér inn.
Hafnarstjórn beinir því til bæjarstjórnar að mótuð verði heilstæð stefna vegna hafnarmannvirkja með tilliti til stóriðju í framtíðinni.

4 Lóðaumsókn.
H.H. Smíði sækir um byggingarleyfi fyrir fiskverkunarhús á 2 hæðum að Bakkalág 17
Hafnarstjórn samþykkir umsóknina fyrir sitt leiti.

Fleira ekki gert fundi slitið kl 1840

‘Olafur Sigurpálsson Guðmundur Sv Ólafsson

Páll Gíslason Jón Emil Halldórsson

Steinþór Helgason Sverrir Vilbergsson

• Síðast uppfært: 8. janúar 2010