1696. fundur bæjarráðs Grindavíkur haldinn í bæjarstjórnarsal, þriðjudaginn 2. desember 2025 og hófst hann kl. 14:00.

Fundinn sátu: Hjálmar Hallgrímsson, formaður, Hallfríður G Hólmgrímsdóttir, aðalmaður, Ásrún Helga Kristinsdóttir, aðalmaður, Inga Fanney Rúnarsdóttir, áheyrnarfulltrúi.

Einnig sátu fundinn: Fannar Jónasson, bæjarstjóri, Jón Þórisson, sviðsstjóri fjármála- og stjórnsýslusviðs, Guðjón Bragason, lögfræðingur. Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.      Mögulegt samstarf við Reykjanesbæ um hlutverk sem leiðandi sveitarfélag - 2511055

Gestir fundarins undir þessum dagskrárlið: Sviðsstjóri félagsþjónustu- og fræðslusviðs. Frá FUMG: Árni Þór Sigurðsson (Teams) og Jóhanna Lilja Birgisdóttir (Teams).

Lögð fram drög að bréfi til Reykjanesbæjar um mögulegar viðræður um leiðandi sveitarfélag í félagsþjónustu og fræðslumálum.

Bæjarstjóra er heimilað að undirrita bréfið með þeim breytingum sem fram komu á fundinum.

2.      Rekstur þjónustuúrræða í þágu fatlaðs fólks - 2501001

Gestir fundarins undir þessum dagskrárlið: Sviðsstjóri félagsþjónustu- og fræðslusviðs og sviðsstjóri frístunda- og menningarsviðs.

Minnisblað unnið af Reykjanesbæ, Suðurnesjabæ og Sv. Vogum vegna uppgjörs á samningi um sameiginleg úrræði í þágu fatlaðs fólks er lagt fram.

Bæjarráð felur bæjarstjóra og sviðsstjóra félagsþjónustu- og fræðslusviðs að ganga til samninga í samræmi við umræður á fundinum.

3.      Undanþága frá skipulagslögum vegna ráðningar skipulagsfulltrúa, framhald - 2511046

Veitt hefur verið áframhaldandi undanþága frá 7. gr. skipulagslaga nr. 123/2010 til að skipulagsfulltrúi Grindavíkurbæjar fái áfram að gegna stöðunni. Undanþágan gildir til 27. maí 2026.

4.      Ný vefsíða Grindavíkurbæjar - 2507001

Gestir fundarins undir þessum dagskrárlið: sviðsstjóri frístunda- og menningarsviðs og sviðsstjóri félagsþjónustu- og fræðslusviðs.

Lögð fram drög að veftré og stílbók fyrir miðla Grindavíkurbæjar.

Farið yfir stöðuna á nýrri vefsíðu Grindavíkurbæjar.

5.      Fjárhagsáætlun 2026-2029 - Grindavíkurbær og stofnanir - 2507023

Lögð fram drög að fjárhagsáætlun fyrir árið 2026.

Fleira ekki gert.

Fundi slitið kl. 15:50.

• Síðast uppfært: 2. desember 2025