Samstaða og gleði einkenndu sjómannadagshelgina í Grindavík

• Fréttir
• 3. júní 2025

Það ríkti sannkölluð hátíðarstemning í Grindavík um sjómannadagshelgina þegar bæjarbúar og gestir komu saman til að fagna sjómannadeginum. Hátíðarhöldin stóðu yfir í fimm daga og náðu hámarki á sjálfan sjómannadaginn, sunnudaginn 1. júní, með fjölbreyttri og líflegri dagskrá fyrir alla aldurshópa.

Dagskráin hófst miðvikudaginn 28. maí með menningarmorgni í Kvikunni þar sem Viðar Halldórsson, prófessor í félagsfræði, mætti í morgunkaffi og Vísis-systkinin tóku lagið við góðar undirtektir. Því næstu daga tók við metnaðarfull dagskrá með tónleikum, gönguferðum, listsýningum, íþróttaviðburðum, opnu húsi hjá Grindjáunum og ekki síst skemmtilegu balli í Kvikunni á laugardagskvöldið þar sem Ingó og fleiri komu fram.

Á sunnudeginum var haldin hátíðleg sjómannadagsmessa í Grindavíkurkirkju þar sem Eliza Reid forsetafrú flutti hátíðarræðu og sjómenn voru heiðraðir. Að messu lokinni var lagður blómsveigur að minnisvarðanum Von til minningar um þá sem hafa týnst og farist á sjó. Fjölskyldudagskrá fór síðan fram við Kvikuna með hoppuköstulum, kraftaþrautum, götuboltamóti og sjómannaþrautum undir stjórn Björgunarsveitarinnar Þorbjarnar. Í tilefni 60 ára afmælis Vísis bauð fyrirtækið upp á afmæliskaffi í Kvikunni og Sjómanna- og vélstjórafélag Grindavíkur bauð upp á veitingar á Sjómannastofunni Vör. Grindvíkingar voru einstaklega gestrisnir að vanda og veðrið lék við hátíðargesti. Það var augljóst að gleðin og samveran skiptu miklu máli eftir krefjandi tíma og ljóst að samstaða og samhugur einkenna samfélagið í Grindavík.

Myndir frá hátíðahöldunum má finna á Facebook-síðu Grindavíkurbæjar.

Við þökkum öllum sem tóku þátt og hlökkum til næstu hátíðar!

• Síðast uppfært: 3. júní 2025