90 ára afmælishátíð UMFG og viðurkenningar til íþróttafólks Grindavíkur 2024

• Fréttir
• 29. apríl 2025

Þann 1. maí klukkan 14:00 verða afhentar viðurkenningar til íþróttafólks Grindavíkur 2024 í Grindavík. Athöfnin fer fram í „nýja“ íþróttasalnum og er öllum velkomið að mæta og fagna árangri okkar öfluga íþróttafólks.

Þennan sama dag heldur Ungmennafélag Grindavíkur upp á 90 ára afmæli sitt með kaffiveitingum í Gjánni, í beinu framhaldi af verðlaunaafhendingunni.

Opið hús verður í „nýja“ salnum til kl. 17:00. Þar gefst börnum sem og fullorðnum tækifæri til að skjóta á körfurnar eftir margra mánaða bið.

Sundlaugin verður opin milli klukkan 12:00 og 17:00 þennan dag, svo fjölskyldur geta einnig notið góðrar sundferðar samhliða hátíðarhöldunum.

Við hvetjum alla Grindvíkinga til að fjölmenna og taka þátt í skemmtilegum degi tileinkuðum íþróttum, afrekum og samfélaginu okkar.

• Síðast uppfært: 29. apríl 2025