Grindvíkingar funduðu í forsætisráðuneytinu í morgun

• Fréttir
• 10. apríl 2025

Fulltrúar Grindavíkurbæjar, atvinnulífs og Járngerðar mættu í morgun á fund með ráðuneytum, Grindavíkurnefnd, Þórkötlu og Deloitte. Gagnleg umræða fór þar fram um stöðu og horfur í Grindavík.

Forsætisráðuneyti reifaði m.a. fyrirkomulag stuðningsaðgerða við atvinnulíf og breytt fyrirkomulag húsnæðisstuðnings. Frekari kynning á þessum aðgerðum verður á morgun, 11. apríl.

Gagnleg skoðanaskipti fóru fram á fundinum, m.a. um skýrslu sem Deloitte vann nýlega fyrir forsætisráðuneyti. Skýrt ákall kom m.a. fram um að vinnu verði haldið áfram við sprunguviðgerðir í bænum og að opnað verði fyrir það að fleiri geti búið í bænum í sumar. Hér má sjá myndir frá fundinum, sem haldinn var í forsætisráðuneytinu.

• Síðast uppfært: 10. apríl 2025