Kæru Grindvíkingar og félagsmenn Járngerðar

• Fréttir
• 14. mars 2025

Við viljum þakka öllum sem mættu á kynningarfund samtakanna laugardaginn 8. mars, bæði í eigin persónu og í streymi. Það var frábært að sjá þann mikla áhuga sem er á framtíð Grindavíkur og finna kraftinn í samfélaginu okkar.

Það er augljóst að viljinn til að hefja uppbyggingu er sterkur, og saman getum við haft áhrif. Þátttaka íbúa í endurreisninni er lykilatriði – og samstaða okkar skiptir sköpum.

  Stjórnin hefur nú þegar hafist handa við vinnu er varðar forgangsverkefni samtakanna sem kynnt voru á kynningar fundinum.

📌 Vertu með í Járngerði
Ársgjald samtakanna er 3.000 krónur. Þeir sem vilja ganga í félagið geta sent tölvupóst á jarngerdur@hotmail.com með nafni, kennitölu og netfangi. Einnig er hægt að skrá sig á póstlista til að fá reglulegar upplýsingar um starfsemina.

Ársgjöldin fara í rekstur samtakanna, s.s. fundarkaffi, fræðslu, aðkeypta þjónustu og annan tilfallandi kostnað.

Samkvæmt reglum samtakanna verða eignir þeirra látnar renna til góðgerðarmála við slit, og hvorki félagsmenn né stjórnarmenn hagnast fjárhagslega á starfseminni.

Við hlökkum til að vinna með ykkur að endurreisn Grindavíkur og stefnum við að því að halda annan fund samtakanna fljótlega, hann verður auglýstur síðar.

Með kærri kveðju,
Stjórn Járngerðar
 

• Síðast uppfært: 14. mars 2025