Vonast til að vinna betur að úrræðum til að tryggja endurkomu Grindvíkinga

• Fréttir
• 11. mars 2025

Til stendur að senda út íbúakönnun á Grindvíkinga núna í mars. Könnunin er á vegum Fasteignafélagsins Þórkötlu og er rannsóknarfyrirtækið Prósent framkvæmdaraðili.  Þetta kemur fram á vef Þórkötlu. 

Fram kemur í fréttinni að það sé yfirlýst markmið Þórkötlu að vinna marvisst að enduruppbyggingu Grindavíkur um leið og aðstæður leyfa. Með úrvinnslu þeirra svara sem berast vonast Þórkatla til að geta unnið betur að úrræðum sem tryggja endurkomu sem flestra Grindvíkinga.

Grindvíkingar eru hvattir til að taka þátt í könnuninni en markmiðið er að kanna hug Grindvíkinga til framtíðar búsetuáforma og ánægju með þjónustu Þórkötlu við viðskiptavini.

• Síðast uppfært: 11. mars 2025