1673. fundur bæjarráðs Grindavíkur haldinn í bæjarstjórnarsal, þriðjudaginn 7. janúar 2025 og hófst hann kl. 14:00.

Fundinn sátu: Hjálmar Hallgrímsson, formaður, Hallfríður G Hólmgrímsdóttir, aðalmaður, Ásrún Helga Kristinsdóttir, áheyrnarfulltrúi, Sævar Þór Birgisson, varaformaður.

Einnig sátu fundinn: Fannar Jónasson, bæjarstjóri og Jón Þórisson, sviðsstjóri fjármála- og stjórnsýslusviðs. Fundargerð ritaði:  Jón Þórisson, sviðsstjóri fjármála- og stjórnsýslusviðs. Sævar Þór Birgisson sat fundinn í Teams.

Í upphafi fundar óskaði formaður eftir að setja mál á dagskrá með afbrigðum sem 6. mál: 2501007 Barnaverndarþjónsta, Samvinna

Samþykkt samhljóða.

Dagskrá:

1.      Starfsemi Slökkviliðs Grindavíkur - 2411022

Farið yfir samskipti Grindavíkurbæjar við almannavarnir og Húsnæðis- og mannvirkjastofnun varðandi kostnað, rekstur og viðbragð slökkviliðs Grindavíkur. Málið er enn í vinnslu.

2.      Almannavarnanefndir á Suðurnesjum - 2409005

Bæjarráð leggur til að fá bæjarstjóra Reykjanesbæjar og lögreglustjórann á Suðurnesjum til fundar um framhald málsins og felur bæjarstjóra að boða fundinn.

3.      Ósk um aðstöðu til listsköpunar - 2411023

Gestur fundarins undir þessum dagskrárlið: Sviðsstjóri frístunda- og menningarsviðs og forstöðumaður þjónustumiðstöðvar Grindavíkurbæjar. Lögð fram fyrirspurn um breytingar á Gerðavöllum 17.

Bæjarráð heimilar breytingarnar, en leggur áherslu á að húsnæðinu verði skilað í fyrra horfi og felur forstöðumanni þjónustumiðstöðvar að hafa eftirlit með framkvæmdum.

4.      Útleiga húsnæðis í eigu Grindavíkurbæjar - 2501004 Gestur fundarins undir þessum dagskrárlið: Sviðsstjóri frístunda- og menningarsviðs og forstöðumaður þjónustumiðstöðvar Grindavíkurbæjar. Bæjarráð frestar málinu og felur sviðsstjóra frístunda- og menningarsviðs að afla frekari gagna.

5.      Varðveisla minja og aðgengi ferðamanna - Rammaskipulag - 2410007

Gestir fundarins undir þessum dagskrárlið: Sviðsstjóri frístunda- og menningarsviðs, Skarphéðinn Berg Steinarsson, ráðgjafi (Teams) og forstöðumaður þjónustumiðstöðvar Grindavíkurbæjar.

Bæjarráð tekur vel í þær hugmyndir sem kynntar voru á fundinum og leggur til við bæjarstjórn að gera ráð fyrir, í fjárhagsáætlun 2025, aðstöðusköpun til að taka á móti ferðamönnum á næstu misserum.

6.      Barnaverndarþjónusta Samvinna - 2501007

Gestur fundarins undir þessum dagskrárlið: Sviðsstjóri félagsþjónustu- og fræðslusviðs (Teams)

Bæjarráð Grindavíkur óskar eftir því við bæjarráð Suðurnesjabæjar að sveitarfélögin hefji viðræður um samvinnu um barnaverndarþjónustu í samræmi við ákvæði sveitarstjórnarlaga.

7.      Forkaupsréttur vegna sölu á fiskiskipinu Sturlu GK-12, sknr. 2444 - 2412027

Útgerðarfélagið Ganti ehf. hefur gert kaupsamning um skipið ásamt veiðarfærum og aflahlutdeildum í fisktegundum sem gáfu samtals 25,2 tonna þorskígilda aflamark. Grindavíkurbæ er boðinn forkaupsréttur, sbr, 3. mgr. 12. gr. laga nr. 116/2006 um stjórn fiskveiða.

Bæjarráð samþykkir að falla frá forkaupsrétti.

8.      Öryggsbrestur - Tilkynning til persónuverndar - 2412029

Lagður fram tölvupóstur frá hýsingaraðila tölvukerfa Grindavíkurbæjar vegna netárásar. Grindavíkurbær hefur tilkynnt öryggisbrestinn til Persónuverndar og er málið í rannsókn. Gögn Grindavíkurbæjar virðast hafa sloppið við árásina.

Fleira ekki gert.

Fundi slitið kl. 15:20.

• Síðast uppfært: 9. janúar 2025