Í janúar mun þjónustuteymi Grindavíkinga, í samstarfi við Rauða krossinn á Íslandi, bjóða upp á foreldranámskeið frá Litlu Kvíðameðferðarstöðini fyrir grindvíska foreldra. Námskeiðið stendur í þrjár vikur, einn seinnipart í viku. Markmið námskeiðsins er að veita foreldrum fræðslu um eðlilegar breytingar á líðan, hegðun og tilfinningum í kjölfar náttúruhamfara. Einnig verður áhersla á breytingar á líðan barna og þeirra hegðun ásamt því að fjalla um mikilvægi rútínu fjölskyldunnar. Foreldrum gefst kostur á að hitta aðra foreldra í svipaðri stöðu og fá fræðslu og ráðleggingar frá leiðbeinendum.
Námskeið í Reykjanesbæ verður haldið í húsi Rauða Krossins á Íslandi, Smiðjuvöllum 8 frá klukkan 17:00 – 18:30 á eftirfarandi dagsetningum; 21. janúar 28. janúar og 4. febrúar.
Námskeið í Reykjavík verður haldið á Litlu Kvíðameðferðastöðinni að Síðumúla 15 frá klukkan 15:00 – 16:30 á eftirfarandi dagsetningum; 13. janúar, 20. janúar, og 27, janúar
Námskeið verður einnig í boði í gegnum fjarfundabúnað og verður haldið frá klukkan 15:00 – 16:30 á eftirfarandi dagsetningum; febrúar, 10. febrúar og 17. febrúar.
Námskeiðin eru þátttakendum að kostnaðarlausu og skráning fer fram hjá Þjónustuteymi Grindvíkinga í síma 545-0200 eða netfangi radgjof@grn.is