Viðbragðsáætlun vegna sjávarflóða í Grindavík 

• Fréttir
• 4. nóvember 2024

Viðbragðsáætlun vegna sjávarflóða í Grindavík var lögð fram til kynningar á bæjarstjórnarfundi sl. þriðjudag. Um er að ræða áætlun sem nær yfir hafnarsvæðið og nágrenni. 

Áætlunin skiptist í tvenns konar viðbragð:

• Viðbragð 1 sem tekur mið af spá um allt að 4,9k metra sjávarhæð og er minniháttar aðgerð
• Viðbragð 2 sem tekur mið af spá sem fer yfir 4,9 metra sjávarhæð og felur í sér umfangsmeiri viðbótaraðgerðir og lokanir.

Veðurstofan, Almannavarnir og starfsfólk hafnarinnar fylgjast með veðurspám. Þegar spár benda til þess að von sé á sjávarflóði sem mun flæða yfir kvíabryggju, Seljabót fyrir neðan Kvikuna og Eyjabakka, kalla starfsmenn hafnarinnar eða viðbragðsaðilar eftir sjávarfallaspá hafnarsviðs Vegagerðarinnar til að leggja mat á hvort viðbragð 1 eða viðbragð 2 eigi við um hugsanleg sjávarflóð.

Í meðfylgjandi viðbragðsáætlun má sjá frekari útlistun á aðgerðum og hvar áætlað er að loka til að hindra að sjór valdi skemmdum á athafnasvæði hafnarinnar. 
Viðbragðsáætlunin verður uppfærð að minnsta kosti í upphafi hvers árs og eftir því sem reynsla mótvægisaðgerða vindur fram að sögn Sigurðar Kristmundssonar, hafnarstjóra Grindavíkurhafnar. 

Viðbragðsáætlun vegna sjávarflóða í Grindavík 
    

• Síðast uppfært: 4. nóvember 2024