Hvar get ég skilað bókum frá bókasafninu?

• Fréttir
• 29. október 2024

Bókasafn Grindavíkur er lokað en eitthvað hefur borið á því að tilkynningar um vanskil eða jafnvel sektir hafi komið frá bókasafninu í gegnum bókasafnskerfið Gegni. Gott getur verið að skila bókum sem búið er að lesa. Bókasafnskerfið reiknar sjálkrafa sektir en þær verða að sjálfsögðu felldar niður. Póstur verður í vikunni sendur á alla lánþega með útistandandi lán til að upplýsa hvar er hægt að skila bókum frá Bókasafni Grindavíkur. 

Mögulegt er að skila á eftirfarandi stöðum:

• Kvikan, menningarhús Grindvíkinga, Hafnargötu 12a Grindavík
• Bókasafn Reykjanesbæjar - aðalsafn, Tjarnargötu 12 Reykjanesbæ
• Bókasafn Reykjanesbæjar – Stapasafn við Dalsbraut Innri Njarðvík
• Bókasafn Suðurnesjabæjar við Suðurgötu Suðurnesjabæ
• Bókasafn Hafnarfjarðar, Strandgötu 1 Hafnarfirði
• Skrifstofur Grindavíkurbæjar í Tollhúsinu, Tryggvagötu 19 Reykjavík

Athugið að innskráðir notendur á leitir.is sjá hvað er útistandandi ásamt skuldum. Vinsamlegast horfið fram hjá því enda er hvorki verið að innheimta bækur né skuldir.

Bestu kveðjur,

Bókasafn Grindavíkur

• Síðast uppfært: 29. október 2024