1665. fundur bæjarráðs Grindavíkur haldinn í Tollhúsi við Tryggvagötu, þriðjudaginn 10. september 2024 og hófst hann kl. 14:00.

Fundinn sátu:
Hjálmar Hallgrímsson, formaður, Helga Dís Jakobsdóttir var fjarverandi en í staðinn sat fundinn Sævar Þór Birgisson, varamaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. 

Einnig sátu fundinn:
Jón Þórisson, sviðsstjóri fjármála- og stjórnsýslusviðs, Fannar Jónasson, bæjarstjóri og Guðjón Bragason, lögfræðingur. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.      Íbúðarhúsnæði í Grindavík - staða mála - 2409004
    Gestir fundarins undir þessum dagskrárlið: Sérfræðingur á tæknisviði Grindavíkurbæjar. Sviðsstjóri félagsþjónustu- og fræðslusviðs og sviðsstjóri frístunda- og menningarsviðs. Frá fasteignafélaginu Þórkötlu: Örn Viðar Skúlason framkvæmdastjóri og Dagný Lísa Davíðsdóttir. Frá NTÍ: Hulda Ragnheiður Árnadóttir forstjóri og Jón Örvar Bjarnason. 

Framkvæmdastjóri Þórkötlu og formaður NTÍ kynntu stöðu mála hjá þeim og svöruðu fyrirspurnum.
         
2.      Samþykktir og stjórnsýsla Grindavíkurbæjar - Tillögur vinnuhóps - 2406069
    Gestir fundarins undir þessum dagskrárlið: Sviðsstjóri félagsþjónustu- og fræðslusviðs og sviðsstjóri frístunda- og menningarsviðs. 

Lögð fram drög að erindisbréfum fyrir innviðanefnd og samfélagsnefnd. 

Bæjarráð samþykkir framlögð gögn með þeirri breytingu að atvinnumál verði ekki hjá innviðanefnd heldur hjá bæjarráði og vísar þeim svo breyttum til bæjarstjórnar.
         
3.      Aukinn kostnaður leikskóla í kjölfar náttúruhamfara í Grindavík - 2408036
    Gestir fundarins undir þessum dagskrárlið: Sviðsstjóri félagsþjónustu- og fræðslusviðs og sviðsstjóri frístunda- og menningarsviðs. 

Lagt fram bréf til sveitarfélaga, dags. 6. september 2024 vegna uppgjörs á leikskóladvöl grindvískra leikskólabarna.
         
4.      Almannavarnanefndir á Suðurnesjum - 2409005
    Gestir fundarins undir þessum dagskrárlið: Sviðsstjóri félagsþjónustu- og fræðslusviðs og sviðsstjóri frístunda- og menningarsviðs. 

Almannavarnanefnd Suðurnesja, utan Grindavíkur leggur til að hafist verði handa við gerð samstarfssamnings sveitarfélaga á Suðurnesjum um starfsemi sameiginlegrar almannavarnanefndar á Suðurnesjum. 

Bæjarráð tekur undir þessar hugmyndir og felur bæjarstjóra að vinna málið áfram.
         
5.      Mál YFN nr. 3/2024 - Norðurljósavegur 1, Grindavík, fnr. 209-2590 - 2409009
    Gestir fundarins undir þessum dagskrárlið: Sviðsstjóri félagsþjónustu- og fræðslusviðs og sviðsstjóri frístunda- og menningarsviðs. 

Lagður fram úrskurður yfirfasteignamatsnefndar þar sem erindi kæranda er hafnað.
         
6.      Fasteignagjöld 2024 - Flatabrim ehf. - 2409013
    Lagður fram tölvupóstur frá Friðrik Einarssyni vegna fasteignaskatts á NLI árið 2024 og minnisblað Guðjóns Bragasonar um málið. 

Bæjarráð getur ekki orðið við erindinu.
         
7.      Aðstaða UMFG til æfinga og keppni - 2404147
    Málinu er frestað til næsta fundar.
         
8.      Víkurbraut 28 - erindi frá Novum lögmönnum - 2409012
    Lögð fram drög að bréfi til að svara erindinu. 

Bæjarráð felur sviðsstjóra fjármála- og stjórnsýslusviðs að svara erindinu í samræmi við framlagt bréf.
         
9.      Fundargerðir og gögn fjallskilanefndar 2024 - 2403178
    Lagðar fram fundargerðir fjallskilanefndar dags. 28.08.2024 og 05.09.2024. 
Lagt fram álit MAST á fyrirhuguðum fjárrekstri í Þórkötlustaðarrétt í Grindavík. 

Bæjarráð gerir ekki athugasemdir við tillögu fjallskilanefndar um að rétta í Þórkötlustaðarétt sunnudaginn 22. september nk. kl. 14:00.
         

Fleira ekki gert. Fundi slitið kl. 16:20.

• Síðast uppfært: 11. september 2024