Sálfræðiþjónusta fyrir Grindvíkinga

• Fréttir
• 22. júní 2024

Þjónustuteymi GRN býður nú upp á fjölbreytt stuðningsúrræði fyrir Grindvíkinga. Teymið veitir Grindvíkingum meðal annars aðgengi að gjaldfrjálsum sálfæðiviðtölum , fræðslu um líðan í kjölfar náttúruhamfara og hópmeðferðum fyrir börn og fullorðna. Hægt að óska eftir ráðgjöf hjá þjónustuteyminu á Ísland.is (island.is).

Þjónustuteymið samanstendur af sérfræðingum sem vinna að málefnum Grindvíkinga á þverfaglegan hátt og eru með fjölbreytta fagþekkingu og reynslu. Einnig er hægt er að hafa samband við ráðgjafa teymisins í síma 545-0200 á milli 10:30-12:00 á mánudaga-fimmtudaga. Grindvíkingar geta þá einnig óskað eftir fjarviðtali í gegnum öruggt kerfi sem er viðurkennt af bæði Landlækni og Persónuvernd. Þjónustan er í boði fyrir alla Grindvíkinga sem voru með lögheimili í Grindavík þann 10. nóvember sl. hvar sem þeir eru búsettir í dag.

• Síðast uppfært: 22. júní 2024