570. fundur bæjarstjórnar Grindavíkur haldinn í Tollhúsi við Tryggvagötu, mánudaginn 3. júní 2024 og hófst hann kl. 14:00.

Fundinn sátu: Ásrún Helga Kristinsdóttir, forseti, Birgitta H. Ramsay Káradóttir, aðalmaður, Hjálmar Hallgrímsson, aðalmaður, Helga Dís Jakobsdóttir, aðalmaður, Hallfríður G Hólmgrímsdóttir, aðalmaður, Birgitta Rán Friðfinnsdóttir var fjarverandi en í staðinn sat fundinn Páll Gíslason, varamaður og Gunnar Már Gunnarsson, aðalmaður.

Einnig sátu fundinn: Jón Þórisson, sviðsstjóri fjármála- og stjórnsýslusviðs, Fannar Jónasson, bæjarstjóri.

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Í upphafi fundar óskar forseti eftir að taka inn mál með afbrigðum sem 1. mál: 2406008 - Rafmagnstenging við Grindavík. Samþykkt samhljóða.

Dagskrá:

1.      Rafmagnstenging við Grindavík - 2406008

Gestir fundarins undir þessum dagskrárlið: Gunnar Einarsson, frá Grindavíkurnefndinni og Guðjón Bragason, ráðgjafi.

Til máls tóku: Ásrún, bæjarstjóri, Gunnar Einarsson, Hallfríður og Guðjón.

Grindavíkurnefndin átti fundi með Almannavörnum og HS veitum sunnudaginn 2. júní varðandi rafmagnsleysi í Grindavík. Tillaga HS veitna um bráðabirgða/neyðartenging var rædd, slík tenging getur staðið undir þeirri raforkunotkun sem hefur verið í Grindavík undanfarið. Enn á eftir að taka ákvarðanir um hvar og hvernig er hægt að koma á varanlegri og vonandi endanlegri tengingu milli flutningskerfis Landsnets (Svarstengis eða önnur leið) og Grindavíkur. Grindavíkurnefndin telur brýnt að komið verði á rafmagn með lagningu strengs í samræmi við tillögur HS Veitna og sem fylgir með bókun þessari. Skv. því er unnt að koma á raftengingu á 6 dögum og er kostnaður áætlaður um 75 mkr. Nefndin leggur til að framkvæmdin verði heimiluð og fjármögnuð úr ríkissjóði.

Bæjarstjórn tekur samhljóða undir framangreinda tillögu Grindavíkurnefndarinnar.

2.      Aðgerðaráætlun fyrir þjónustuteymi framkvæmdanefndar - 2406000

Gestir fundarins undir þessum dagskrárlið: Gunnar Einarsson, frá Grindavíkurnefndinni, sviðsstjóri félagsþjónustu- og fræðslusviðs og Guðjón Bragason, ráðgjafi.

Til máls tóku: Ásrún, Guðjón, sviðsstjóri félagsþjónustu- og fræðslusviðs, Guðjón, Gunnar Einarsson, Hallfríður, Birgitta Hrund og bæjarstjóri.

Lögð fram aðgerðaráætlun og drög að samningi við MNR. Í samræmi við 7. gr. laga nr. 40/2024 um framkvæmdanefnd vegna jarðhræringa í Grindavíkurbæ óskar nefndin eftir afstöðu sveitarstjórnar Grindavíkurbæjar til aðgerðaráætlunar fyrir þjónustuteymi.

Bæjarstjórn gerir ekki athugasemdir við drög að samningi en felur sviðsstjóra félagsþjónustu- og fræðslusviðs og sviðsstjóra frístunda- og menningarsviðs að koma með ábendingar inn í aðgerðaáætlunina.

3.      Keilir, miðstöð vísinda og fræða - aðalfundur 2024 - 2406003

Til máls tóku: Ásrún, Birgitta Hrund og bæjarstjóri.

Framhaldsaðalfundur Keilis verður 5. júní nk. Bæjarstjórn felur bæjarstjóra að fara með atkvæði bæjarins á fundinum.

4.      Afgreiðslunefnd byggingar- og skipulagsmála - 81 - 2405019F

Til máls tóku: Ásrún, Birgitta Hrund og Hjálmar.

Fundargerðin er lögð fram til kynningar.

Fleira ekki gert.

Fundi slitið kl. 14:55.

• Síðast uppfært: 13. júní 2024