128. fundur skipulagsnefndar haldinn í bæjarstjórnarsal, mánudaginn 6. nóvember 2023 og hófst hann kl. 16:15.

Fundinn sátu: Lilja Ósk Sigmarsdóttir, formaður, Sverrir Auðunsson, varamaður, Hrannar Jón Emilsson, aðalmaður, Steinberg Reynisson, aðalmaður, Gunnar Már Gunnarsson, varamaður og Atli Geir Júlíusson, sviðsstjóri skipulags- og umhverfissviðs.

Fundargerð ritaði:  Atli Geir Júlíusson, sviðsstjóri skipulags- og umhverfissviðs.

Dagskrá:

1.      Hverfisskipulag í Grindavík - 2. áfangi - 2211014
Á fundi skipulagsnefndar 20.ágúst 2023 var skipulagsfulltrúa falið að kynna vinnslutillögu fyrir íbúum hverfisins og umsagnaraðilum skv. 4.gr. 40.gr. skipulagslaga nr. 123/2010. Kynningartími var á tímabilinu 15.september til og með 6.október 2023. Tillagan var kynnt á heimasíðu Grindavíkurbæjar, í Víkurfréttum og var dreifibréf borið út í öll hús hverfisins. Þar voru íbúar hvattir til að senda inn athugasemdir um hverfisskipulagið í gegnum samráðsvef eða skriflega til skipulags- og umhverfissviðs á skipulag@grindavik.is.

Skiplagsnefnd fór yfir þær umsagnir og athugasemdir sem bárust við vinnslutillöguna. Skipulagsfulltrúa fallið að vinna málið áfram.

2.      Umsókn um skipulagsbreytingu - Bakkalág 17 - 2311006
Umsókn um breytingu deiliskipulags Eyjabakka vegna Bakkalágar 17 frá Marine Collagen lögð fram. Umsækjandi óskar eftir því að Bakkalág 17, Hólmasund 1 og partur af Bakkalág 15 verði sameinaðar í eina lóð. Stakkavík hefur samþykkt að Marine Collagen fái hluta af þeirra lóð, Bakkalág 15, sjá fylgiskjal umsóknar. Umsækjandi veit af minjum sem skráðar eru norðan við Bakkalág 17 og hefur óskað umsagnar Minjastofnunar vegna þess.

Skipulagsnefnd heimilar umsækjanda að vinna deiliskipulagsbreytingu í samræmi við framlagða umsókn skv. 2. mgr. 38. gr. skipulagslaga nr. 123/2010. Tilbúin gögn skulu lögð fram til skipulagsnefndar. Að mati skipulagsnefndar er um óverulega breytingu á deiliskipulagi svæðisins sé að ræða þannig að málsmeðferð verður í samræmi við 2. mgr. 43. gr. skipulagslaga nr. 123/2010. Í samræmi við viðauka 1.1 við bæjarmálasamþykkt Grindavíkurbæjar er sú afgreiðsla sem snýr að heimild til skipulagsbreytingar, fullnaðarafgreiðsla.

3.      Umsókn um skipulagsbreytingu - iðnaðarsvæði i5, 1 - 2311007
Matorka óskar eftir leyfi til að stækka lóð iðnaðarsvæðis i5 við Nesveg um 70 metra til norðurs. Ástæða stækkunar er til að draga eins mikið og hægt er úr smithættu í fiskeldinu. Núverandi staðsetning seiðaeldis á Húsatóftum er nánast á sjávarkambinum, mikið hagsmunamál er fyrir Matorku að færa þennan hluta eldisins fjær sjónum og upp fyrir núverandi áframeldi. Skipulagsnefnd heimilar umsækjanda að vinna deiliskipulagsbreytingu í samræmi við framlagða umsókn skv. 2. mgr. 38. gr. skipulagslaga nr. 123/2010. Tilbúin gögn skulu lögð fram til skipulagsnefndar. Lagt verður mat á það hvort málsmeðferð deiliskipulagbreytingarinnar verði m.v. verulega eða óverulega breytingu deiliskipulagsins þegar fullbúinn skipulagsgögn berast skipulagsnefnd.

Í samræmi við viðauka 1.1 við bæjarmálasamþykkt Grindavíkurbæjar er sú afgreiðsla sem snýr að heimild til skipulagsbreytingar, fullnaðarafgreiðsla.

4.      Víkurbraut 36 - Umsókn um byggingarheimild eða -leyfi - Flokkur 1, - 2309066
Grenndarkynningu vegna byggingarleyfisumsóknar fyrir Víkurbraut 36 er lokið án athugasemda. Skipulagsnefnd gerir því ekki athugasemd við byggingaráformin. Með vísan til 42. gr. sveitarstjórnarlaga nr. 138/2011 og viðauka 1.1. bæjarmálasamþykktar nr. 530/2022 er um fullnaðarafgreiðslu að ræða af hálfu skipulagsnefndar. Byggingarfulltrúi tekur við málinu í samræmi við byggingarreglugerð nr. 112/2012.

5.      Vík 129161 - Umsókn um byggingarheimild eða -leyfi - Flokkur 2, - 2310087
Ingiþór Björnsson sækir um fyrir hönd Heiðars Guðmundssonar um breytta notkun á húsinu Vík við Verbraut.

Óskað er eftir að breyta neðri hæð hússins í gistiheimili í flokki II (gistiheimili án veitinga) skv. aðaluppdráttum frá Ingiþór dagsettir 17.10.2023.

Skipulagsnefnd felur sviðsstjóra að grenndarkynna umsóknina fyrir lóðarhöfum Vesturbrautar 15 og 17.

6.      Umsókn um framkvæmdaleyfi frá HS orku - viðgerðarborun á Holu SV24 - 2311001
HS orka sækir um framkvæmdaleyfi fyrir viðgerðarborun á Holu SV24.

Framkvæmdin er vegna viðhalds á Holu SV24 og felur ekki í sér jarðrask umfram það sem þegar er orðið við borholuna. Framkvæmdin er í samræmi við gildandi aðalskipulag Grindavíkurbæjar.

Skiplagsnefnd samþykkir veitingu framkvæmdarleyfisins og felur skipulagsfulltrúa að gefa út framkvæmdaleyfið. Í samræmi við viðauka 1.1 við bæjarmálasamþykkt Grindavíkurbæjar er um fullnaðarafgreiðslu að ræða.

7.      Metan- og vetnisframleiðsla á Reykjanesi - kynning á umhverfismatsskýrslu - 2310061
Skipulagsstofnun hefur óskað eftir umsögn Grindavíkurbæjar við eftirfarandi mál í skipulagsgáttinni: Metan- og vetnisframleiðsla á Reykjanesi, nr. 0679/2023:

Tillaga að bókun rædd og samþykkt.

Umsögn skipulagsnefndar er vísað til kynningar í bæjarráði og bæjarstjórnar til fullnaðarafgreiðslu.

8.      Fyrirspurn til skipulagsnefndar vegna skotsvæðis - 2310111
Hallur Jónas Gunnarsson og Ómar al Lahham senda inn eftirfarandi fyrirspurn til skipulagsnefndar vegna æfingasvæðis fyrir skotdeild UMFG.

Sviðstjóra falið að afla upplýsinga um málið (m.a. frá lögreglu og UMFG) og hvort staðsetning svæðisins sé í lagi.

9.      Jarðskjálftar og landris í Grindavík 2023 - 2310132
Farið yfir stöðu mála varðandi jarðskjálfta og landris í Grindavík.

Skipulagsnefnd felur sviðsstjóra að auka við flóttaleiðir úr bænum út á Nesveg, í samræmi við gildandi aðalskipulag, í samráði við Vegagerðina. Fleira ekki gert. Fundi slitið kl. 17:40.

• Síðast uppfært: 13. júní 2024