131. fundur skipulagsnefndar haldinn í gegnum fjarfundarbúnaðinn TEAMS, miðvikudaginn 10. apríl 2024 og hófst hann kl. 16:00.

Fundinn sátu:
Lilja Ósk Sigmarsdóttir, formaður, Ásrún Helga Kristinsdóttir, varaformaður,
Hrannar Jón Emilsson, aðalmaður, Steinberg Reynisson, aðalmaður,
Unnar Á. Magnússon, aðalmaður. 

Einnig sátu fundinn:
Atli Geir Júlíusson, sviðsstjóri skipulags- og umhverfissviðs,
Hjörtur Már Gestsson, byggingarfulltrúi, Elísabet Bjarnadóttir, sérfræðingur skipulags- og umhverfissviðs. 

Fundargerð ritaði:  Atli Geir Júlíusson, sviðsstjóri skipulags- og umhverfissviðs.

Dagskrá:

1.      Staðarhraun 8 - Umsókn um byggingarheimild eða -leyfi - Flokkur 2, - 2403046
    Guðbjörg Rós Guðnadóttir sækir um skráningu á óleyfisframkvæmdum við Staðarhraun 8. skv. meðfylgjandi uppdráttum frá Braga Magnússyni dagsettum 8.02.2024. 

Helstu breytingar frá samþykktum teikningum er að búið er að lengja bílgeymslu og innrétta hana sem íbúðarrými. Einnig er búið að byggja yfir pall sem var milli þvottarhús og herbergis í norðurhlið hússins. 

Samkvæmt kortasjá sveitarfélagsins má sjá að framkvæmdir við lengingu á bílskúr til norðurs (inn í lóð) var unnin í kringum árið 2002 og yfirbygging á palli var unnin á milli áranna 2010 til 2012. 

Grenndaráhrif stækkunar yfir pall á norðurhlið húss eru engin að mati skipulagsnefndar. Vegna tómlætis nágranna og byggingaryfirvalda metur skipulagsnefnd það sem svo að ekki þurfi að grenndarkynna stækkun á bílskúr, enda hafi viðbyggingin staðið óáreitt í 22 ár. 

Vegna framangreinds þá gerir skipulagsnefnd ekki athugasemd við stækkun fasteignarinnar. Umsókn um breytta notkun á húsnæðinu þarf að berast skipulagsnefnd sérstaklega. Erindinu er vísað til byggingarfulltrúa til afgreiðslu. 
         
2.      Selsvellir 17 - Umsókn um byggingarheimild eða -leyfi - Flokkur 2, - 2403015
    Hjörtur Pálsson sækir um fyrir hönd Hávarðar Gunnarssonar um byggingarleyfi vegna skráningar á óleyfisframkvæmd við Selsvelli 17. Um er að ræða framkvæmd við 11.8 m2 stækkun húss undir þakskyggni að aftan. 

Framkvæmdin er í samræmi við gildandi hverfisskipulag og er því vísað beint til afgreiðslu byggingarfulltrúa. 

         
3.      Borgarhraun 3 - Umsókn um byggingarleyfi - 2101037
    Bogi Rafn Einarsson óskar eftir breytingu á byggingarleyfi við Borgarhraun 3. Breytingin snýr að því að eldri bílskúr verður ekki rifinn samhliða stækkun á húsi. 

Grenndaráhrif breytingar á byggingarleyfi fyrir Borgarahraun 3 eru engin enda hefur bílskúrinn staðið þarna síðan árið 1959. 

Vegna framangreinds þá gerir skipulagsnefnd ekki athugasemd við umsóknina og vísar henni til afgreiðslu byggingarfulltrúa.
         

Fleira ekki gert. Fundi slitið kl. 17:20.
 

• Síðast uppfært: 12. apríl 2024