Bćjarstjórn skorar á yfirvöld ađ finna lausnir fyrir fyrirtćki í Grindavík

  • Fréttir
  • 14. febrúar 2024

Bæjarstjórn ályktaði í dag um mikilvægi þess að auka aðgengi fyrirtækja í Grindavík að bænum. Þar með tóku bæjarfulltrúar allir undir ákall grindvískra fyrirtækja um að bærinn yrði opnaður meira fyrir þá atvinnustarfsemi sem þar getur átt sér stað. Eftirfarandi ályktun var einnig send á fjölmiðla, almannavarnir ríkislögreglustjóra og lögreglustjórann á Suðurnesjum: 

Bæjarstjórn tekur heilshugar undir sjónarmið þeirra sem standa fyrir ákalli fyrirtækja í Grindavík.

Það er mikilvægt að finna lausnir í aðgengismálum fyrir fyrirtæki sem geta hafið starfsemi fái tækifæri til þess. Skorum við á lögreglustjóra Suðurnesja og Almannavarnir að vinna að lausn þessara mála.

Ástandið er ekki lengur neyðarviðbragð heldur langvarandi atburður og eru fyrirtæki nú komin að þolmörkum og þurfa þau að hefja verðmætasköpun í stað verðmætabjörgunar.

Hér kemur ákall fyrirtækjanna:
,,Fyrirtæki í Grindvík eru komin að þolmörkum. Mikilvægt er að opna bæinn fyrir aukinni starfsemi. Enn er hægt að halda lífi í fyrirtækjum með því að hefja rekstur meðan náttúran er róleg.
Þó að staðan í Grindavík sé alvarleg þá er stór hluti bæjarins í lagi, og enn þá tækifæri til að halda lífi í fyrirtækjunum þar. Við höfum lært á síðustu vikum og mánuðum að á milli atburða líða einhverjar vikur þar sem náttúran er róleg og tími gefst til að vera í Grindavík. Öryggi fólks á alltaf að vera í forgrunni, og mikilvægt er að kanna stöðu bæjarins og innviða eftir hvern atburð. En strax að því loknu þarf að gera fyrirtækjum kleift að vinna í bænum frá morgni til kvölds, kl.7:00-19:00, með öryggisvitund og tilbúnar viðbragðsáætlanir. Ef bærinn á að eiga möguleika að byggjast upp aftur þá þarf að halda ljósunum á í fyrirtækjunum. Fyrirtæki í Grindavík krefjast þess að aðgengi að bænum verði gert reglulegt og fyrirsjáanlegt, og ef eitthvað vantar upp á öryggisgæslu í bænum þá geta fyrirtækin sjálf lagt lóð á vogarskálarnar. „

Þessi ályktun Bæjarstjórnar er send á lögreglustjórann á Suðurnesjum, Almannavarnir og fjölmiðla.

Frekari upplýsingar veitir forseti bæjarstjórnar Grindavíkur
Ásrún Helga Kristinsdóttir í síma 781-2503


Deildu ţessari frétt

AĐRAR FRÉTTIR

Fréttir / 9. apríl 2024

Pistill bćjarstjórnar 9. apríl

Fréttir / 5. apríl 2024

Zimna woda w Grindavík

Fréttir / 3. apríl 2024

Hlúum ađ heilsunni. Ókeypis kostir