Þjónustumiðstöð Almannavarna í Reykjanesbæ lokuð á morgun föstudaginn 9. febrúar

• Fréttir
• 8. febrúar 2024

Vegna heitavatnsskorts verður Þjónustumiðstöð Almannavarna í Reykjanesbæ ekki opin á morgun föstudag 9. febrúar.
Þjónustumiðstöðin í Reykjavík, sem staðsett er í Tollhúsinu, er opin alla virka daga frá kl. 10-17 og þar er boðið upp á ýmsa ráðgjöf sem tengist úrræðum fyrir Grindvíkinga, félagslega ráðgjöf og sálfélagslegan stuðning.

Íbúar á Reykjanesi eru hvattir til að nýta sér þjónustumiðstöðina með öll þau erindi sem á þeim hvíla vegna yfirstandandi atburða.

Heitt er á könnunni fyrir þau sem hafa tök á að mæta í Tollhúsið en einnig er hægt að hafa samband í síma 855 2787 og senda fyrirspurn á netfangið fyrirspurnir@almannavarnir.is.
 

• Síðast uppfært: 8. febrúar 2024