1657. fundur bæjarráðs Grindavíkur haldinn í bæjarstjórnarsal, þriðjudaginn 24. október 2023 og hófst hann kl. 15:30.

Fundinn sátu:
Hjálmar Hallgrímsson, formaður, Helga Dís Jakobsdóttir, varaformaður,
Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. 

Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Í upphafi fundar óskaði formaður eftir að taka mál á dagskrá með afbrigðum sem 1. mál: 2310093 - Rekstraráætlun Kölku sorpeyðingarstöðvar fyrir árið 2024. 

Samþykkt samhljóða.

Dagskrá:

1.      Rekstraráætlun Kölku sorpeyðingarstöðvar fyrir árið 2024 - 2310093
    Forsvarsmenn Kölku, Steinþór Þórðarson og Halldór Eiríksson mættu til fundarins og gerðu grein fyrir fjárhagsáætlun Kölku fyrir árið 2024.
         
2.      Samstarf um svæðisbundið samráð gegn ofbeldi og afbrotum - 2306080
    Sviðsstjóri félagsþjónustu- og fræðslusviðs og sviðstjóri frístunda- og menningarsviðs sátu fundinn undir þessum dagskrárlið. 

Lögð fram samstarfslýsing um "Svæðisbundið samráð um varnir gegn ofbeldi og öðrum afbrotum á Suðurnesjum". 

Bæjarráð felur bæjarstjóra að undirrita samstarfslýsinguna.
         
3.      Þátttaka Grindvíkinga í íþróttum og tómstundum í Reykjanesbæ - 2310089
    Sviðsstjóri félagsþjónustu- og fræðslusviðs og sviðstjóri frístunda- og menningarsviðs sátu fundinn undir þessum dagskrárlið. 

Lagt fram bréf frá formanni bæjarráðs Reykjanesbæjar vegna þátttöku barna og ungmenna frá Grindavík í íþróttum og tómstundum í Reykjanesbæ, dags. 18. október 2023. 

Málinu er frestað til næsta fundar bæjarráðs.
         
4.      Geithafurinn - skjaldarmerki Grindavíkur - 2310090
    Sviðstjóri frístunda- og menningarsviðs sat fundinn undir þessum dagskrárlið. 

Lögð fram tillaga um að kaupa "styttu" sem er hönnuð eftir skjaldarmerki Grindavíkur. 

Bæjarráð felur sviðsstjóra frístunda- og menningarsviðs að vinna málið áfram.
         
5.      Fjárhagsáætlun 2024-2027 - Grindavíkurbær og stofnanir - 2307077
    Frumvarp til fjárhagsáætlunar fyrir Grindavíkurbæ og stofnanir 2024-2027 lagt fram. 

Bæjarráð samþykkir samhljóða að vísa fjárhagsáætluninni til fyrri umræðu í bæjarstjórn.
         

Fleira ekki gert. Fundi slitið kl. 17:30.
 

• Síðast uppfært: 25. október 2023