Ari Eldjárn með nýtt grín í Kvikunni

• Sýning
• 3. október 2023

Uppistandarinn Ari Eldjárn er væntanlegur til Grindavíkur í nóvember.  Í tilkynningu frá Ara kemur fram að hann standi fyrir skemmtilegri og tilraunakenndri uppistandssýningu þar sem hann prófi nýtt grín og fer á flug með áður óbirt efni. Hann verður í Kvikunni menningarhúsi fimmtudaginn 23. nóvember kl.20:00 og er  miðasala hafin á Tix.is

 „Sumt verður lesið af blöðum, annað samið á staðnum og brandaranir ýmist fyndnir eða ekki. Hér er um að ræða einstakt tækifæri til að reka augun inn á verkstæðið og sjá hvernig uppistand verður til og slípast.

Hver og ein sýning er einstök. Áheyrendur upplifa atriði sem ekki verða endurtekin en sjá líka frumdrög að stærri atriðum sem verða flutt í sýningum á borð við Áramótaskopið.

Missið ekki af áhugaverðri tilraun þar sem allt fær að fljúga!

Ath. Sýningin er í eðli sínu tilraunakennd og því er ekki hægt að segja með vissu hvað hver sýning er löng," kemur jafnframt fram í tilkynningunni.  

• Síðast uppfært: 3. október 2023