124. fundur skipulagsnefndar haldinn í bæjarstjórnarsal, mánudaginn 4. september 2023 og hófst hann kl. 16:15.

Fundinn sátu:
Lilja Ósk Sigmarsdóttir, formaður, Sverrir Auðunsson, varamaður,
Hrannar Jón Emilsson, aðalmaður, Gunnar Már Gunnarsson, varamaður,
Unnar Á. Magnússon, aðalmaður og Atli Geir Júlíusson, sviðsstjóri skipulags- og umhverfissviðs. 

Fundargerð ritaði:  Atli Geir Júlíusson, sviðsstjóri skipulags- og umhverfissviðs.

Dagskrá:

1.      Aðalskipulagsbreyting íþróttasvæði (ÍÞ1) og íbúðarbyggð (ÍB7) - 2306046
    Aðalskipulagsbreyting fyrir íþróttasvæðið (ÍÞ1) lögð fram til umræðu. Fulltrúar frá stjórn UMFG og knattspyrnudeild UMFG mættu á fundinn auk sviðsstjóra frístunda- og menningarsviðs og forstöðumanni íþróttamiðstöðvar. 

Skipulagnefnd samþykkir að gera eftirfarandi breytingar á skipulagstillögunni 

- Íbúðarsvæði með fram Stamphólsvegi verði fært 10-12 metra frá íþróttamiðstöð. 
- Skilmálar um hvenær lóð vegna fjölbýlishús verði úthlutað verði settir inn á deiliskipulagstillögu íþróttasvæðisins. 
         
2.      Deiliskipulagsbreyting við Hafnargötu 8 - 2206023
    Hrannar Jón Emilsson vék af fundi við umræður og afgreiðslu málsins. 

Sótt er um óverulega breytingu á deiliskipulagi fyrir lóðirnar við Hafnargötu 8 og Ægisgötu 4 og 4b. Breytingin fellst eingöngu í breyttum lóðamörkum. 

Skipulagsnefnd samþykkir að um óverulega breytingu á deiliskipulagi sé að ræða og fara skuli með breytinguna skv. 3. mgr. 44. gr. skipulagslaga nr. 123/2010 þar sem breytingin varðar ekki hagsmuni annarra en sveitarfélagsins og umsækjanda. Lóðarhafi við Ægisgötu 4 hefur samþykkt tillöguna. Samþykkt með fyrirvara um samþykki lóðarhafa við Seljabót 4b. 

Skipulagsfulltrúa falin afgreiðsla málsins samkvæmt skipulagslögum. 

Skipulagsnefnd samþykkir deiliskipulagstillöguna. Í samræmi við viðauka 1.1 við bæjarmálasamþykkt Grindavíkurbæjar er um fullnaðarafgreiðslu að ræða. Skipulagsfulltrúa er falið að uppfæra deiliskipulagsuppdrátt og afgreiða skipulagsbreytinguna til Skipulagsstofnunar í samræmi við skipulagslög. 
         
3.      Borgarhraun 1 - Umsókn um byggingarheimild eða -leyfi - Flokkur 2, - 2306061
    Tvær tillögur af skipulagi bílastæða á lóð við Borgarhraun 1 lögð fram til umfjöllunar og afgreiðslu. 

Skipulagsnefnd hafnar tillögu 1 af umferðaröryggisástæðum. Sviðssstjóra er falið að grenndarkynna tillögu 2 fyrir lóðarhöfum við Borgarhraun 2 - 10 og Víkurbraut 27. 
         
4.      Umferðaröryggismál í Grindavík - 2103082
    Lögð fram umferðaröryggisstefna sem kynnt var á heimasíðu Grindavíkurbæjar, frestur til athugasemda var frá 15.júní til og með 6.júlí 2023. Engar athugasemdir bárust á kynningartíma. 

Fulltrúm Grindavíkurbæjar í umferðaröryggismálum verður boðað til fundar skipulagsnefndar 2. október nk. 
         
5.      Afgreiðslunefnd byggingar- og skipulagsmála - 76 - 2308009F 
    Fundargerð afgreiðslunefndar byggingar- og skipulagsmála nr. 76 lögð fram.
         

Fleira ekki gert. Fundi slitið kl. 18:15.
 

• Síðast uppfært: 8. september 2023