Í samræmi við 31. og 41. gr. skipulagslaga nr. 123/2010 eru hér auglýsta tvær skipulagstillögur í Grindavíkurbæ. Annarsvegar breyting á aðalskipulagi Grindavíkur vegna íbúðarsvæðis ÍB3 sem bæjarstjórn samþykkti að auglýsa þann 28. febrúar 2023 og hinsvegar nýtt deiliskipulag í Laut sem bæjarráð samþykkti að auglýsa þann 13. júlí 2022. 

Aðalskipulag Grindavíkur 2018-2032:
Megin viðfangsefni breytingarinnar er að á íbúðarsvæði ÍB3 verði bætt inn heimild til að byggja par- og raðhús við Laut, alls 7 íbúðir, til viðbótar við þegar tilgreinda þéttingarreiti innan íbúðarsvæðis í gildandi aðalskipulagi. Tillaga að nýju deiliskipulagi fyrir Laut er kynnt samhliða aðalskipulagsbreytingu þessari.

Deiliskipulag Lautar í Grindavík:
Svæðið sem um ræðir er skilgreint sem íbúðasvæði á aðalskipulagi Grindavíkurbæjar 2018-2032. Við götuna eru fjölbreyttar húsagerði; einbýshús, par- og raðhús og tveggja hæða fjölbýlishús. Við Laut nr. 1 er starfræktur leikskóli. Austan við fjölbýli við Laut nr. 12 er raskað óbyggt svæði þar sem áður var starfræktur leikskóli.

Megin viðfangsefni deiliskipulagsins er að útfæra lokaáfanga íbúðarbyggðar við Laut en jafnframt setja skilmála um heimildir á núverandi húsum. Deiliskipulagssvæðið er 3,7 ha og tekur til allra lóða við götuna Laut. Svæðið er afmarkað eftir lóðamörkum við aðliggjandi götur, þ.e. Staðarvör, Ásabraut, Víkurbraut og Dalbraut. Deiliskipulagsmörkin fylgja göngustíg sunnan við lóð leikskólans. Skipulagsgögnin eru lögð fram á uppdrætti og í greinargerð. 

Kynningargögn vegna skipulagsins má finna á heimasíðu Grindavíkurbæjar, www.grindavik.is og í afgreiðslu á bæjarskrifstofu Grindavíkurbæjar að Víkurbraut 62 (2. hæð) frá kl. 8.00 til 15.00 á þriðjudögum og fimmtudögum og frá kl. 9.30 til 15.00 á mánudögum, miðvikudögum og föstudögum.

Tillagan eru í auglýsingu frá og með 12. apríl 2023 til og með 31. maí 2023.

Eru þeir sem hafa hagsmuna að gæta hvattir til að kynna sér tillögurnar.

Athugasemdir eða ábendingar skal senda á netfangið atligeir@grindavik.is eða til Grindavíkurbæjar, Víkurbraut 62, eigi síðar en 31. maí 2023.

Atli Geir Júlíusson
skipulagsfulltrúi Grindavíkurbæjar.

Greinargerð

Uppdráttur

Breyting aðalskipulags

• Síðast uppfært: 5. apríl 2023