129. fundur Fræðslunefndar haldinn í bæjarstjórnarsal, fimmtudaginn 2. mars 2023 og hófst hann kl. 16:30.

Fundinn sátu:
Vilhjálmur Ragnar Kristjánsson, formaður,
Eva Lind Matthíasdóttir, varaformaður,
Eva Rún Barðadóttir, aðalmaður,
Birgitta Rán Friðfinnsdóttir, aðalmaður,
Snædís Ósk Guðjónsdóttir, aðalmaður. 

Einnig sátu fundinn:
Fríða Egilsdóttir, leikskólastjóri,
Inga Þórðardóttir, skólastjóri,
Hulda Jóhannsdóttir, leikskólastjóri,
Eysteinn Þór Kristinsson, skólastjóri,
Laufey Þórdís Sigurðardóttir, áheyrnarfulltrúi,
Valdís Guðmundsdóttir, áheyrnarfulltrúi,
Kristín María Birgisdóttir, áheyrnarftr. grunnskóla,
Helga Rut Hallgrímsdóttir, áheyrnarftr. leikskóla,
Guðríður Sæmundsdóttir, áheyrnarftr. leikskóla. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.      Hvatningarverðlaun fræðslunefndar - 2301105
    Stjórnendur leik- og grunn- og tónlistarskóla ásamt áheyrnarfulltrúum sátu undir þessum lið. 

Farið yfir verklagsreglur um afhendingu Hvarningarverðlaun fræðslunefndar Grindavíkurbæjar. 
Auglýst er eftir tilnefningum að verkefnum innan Grindavíkurbæjar sem þykja skara fram úr og vera til eftirbreytni. Hægt er að tilnefna kennara, kennarahópa og starfsmenn í leikskólum, grunnskóla, tónlistarskóla, félagsmiðstöð og skólaseli í Grindavík. Allir geta komið tilnefningu á framfæri 

Stefnt er að afhendingu verðlaunanna í fyrstu viku júní 2023.
         
2.      Frístundaheimili og aðlögun nemenda sem eru að hefja grunnskólagöngu - 2301106
    Stjórnendur leik- og grunn- og tónlistarskóla ásamt áheyrnarfulltrúum sátu undir þessum lið. 

Umræða um tilraunaverkefni frístundaheimilis með það að markmiði að brúa bilið milli leik- og grunnskólagöngu nemenda og aðlögun nemenda í grunnskóla. Lagt upp með að um verði að ræða tveggja til þriggja vikna námskeið árið 2024. Áhugi verði kannaður með netkönnun. 
         
3.      Skóladagatal 2023-2024 samræmdir dagar milli skóla - 2302116
    Stjórnendur leik- og grunn- og tónlistarskóla ásamt áheyrnarfulltrúum sátu undir þessum lið. 

Farið yfir uppröðun skipulagsdaga fyrir skólaárið 2023-2024. Lagt verður upp með að allar skólastofnanir bæjarins taki einn sameiginlegan skipulagsdag. Fræðslunefnd leggur áherslu á skólarnir leggi áherslu á að samræma skipulagsdaga milli skólastiga. 
         
4.      Starfsumhverfi leikskóla og menntun kennara - 2109132
    Stjórnendur leikskóla ásamt áheyrnarfulltrúum sátu undir þessum lið. 

Umræða um opnun leikskólanna milli jóla og nýárs í tengslum við vinnu um bætt starfsumhverfi leikskóla. 

Málinu er frestað til næsta fundar.
         
5.      Sumarlokun leikskóla Grindavíkurbæjar - 2212026
    Stjórnendur leikskóla ásamt áheyrnarfulltrúum sátu undir þessum lið. 

Umræða um tillögu að stytta sumarlokun leikskólans Lautar úr 5 vikum í 4 og samræma þannig sumarlokun Lautar og Króks. 

Bókun 
Fræðslunefnd leggur til að vinna við tillögu sama hóps um samræmingu sumarlokanna leikskóla í Grindavík hefjist með formlegri kynningu tillögunnar til starfsmanna á leikskólanum Laut í marsmánuði. 

Tillagan samanstendur af því að stytta sumarlokun leikskólans Lautar úr 5 vikum í 4 og samræma þannig sumarlokun Lautar og Króks. 
Fræðslunefnd vill undirstrika að um samræmingu sumarlokanna sé að ræða en ekki styttingu sumarleyfa starfsmanna. Fræðslunefnd vill í samvinnu við starfsmenn og stjórnendur leikskólans finna bestu mögulegu leiðina til að stytting sumarlokunnar á leikskólanum Laut komi vel út fyrir starfsmenn, nemendur og foreldra barna í leikskólanum.
         
6.      Heimgreiðslur til foreldra 12 mánaða gamalla barna sem fá ekki daggæslu fyrir börn sín - 2302005
    Stjórnendur leikskóla ásamt áheyrnarfulltrúum sátu undir þessum lið. 

Málið var tekið fyrir í bæjarráði þann 8. febrúar sl. bæjarráð vísaði málinu til umfjöllunar í félagsmálanefnd og fræðslunefnd. 

Að svo stöddu getur fræðslunefnd ekki tekið afstöðu til málsins og frestar því málinu. 
         

Fleira ekki gert. Fundi slitið kl. 18:15.

• Síðast uppfært: 5. apríl 2023